Cavid Şirəliyev
Bakı/14.04.22/Turan: Jurnalist Cavid Şirəliyev “7 GÜN. org” saytında dərc edilən məqaləyə görə Cinayət Məcəlləsinin 147-ci (təhqir) və 148-ci (böhtan) maddələrilə xüsusi ittiham qaydasında məhkəməyə verilib. Bu barədə Turan agentliyinə jurnalistin özü bildirib.
Onun sözlərinə görə, Daşkəsən Rayon İcra Hakimiyyətinin başçısı Əhəd Abıyev onu məhkəməyə verib, şikayətə aprelin 18-də Masallı Rayon Məhkəməsində baxılacaq.
Şirəliyev Turan-a bildirib ki, şikayətə bir neçə gün öncə “7GÜN.org” saytında Əhəd Abıyevin bir aktrisa ilə münasibətlərinə dair məqalənin dərci səbəb olub. Məqalədə müəllifin afı göstərilmir.
Jurnalistin dediyinə görə, o “7 GÜN. org” saytı ilə əməkdaşlıq edir, adı çəkilən məqaləni o yazmayıb.
“Mən bilmirəm, niyə mənimlə bağlı şikayət verilib. Mən məqalənin müəllifi, saytın ştatlı əməkdaşı deyiləm. Bu yazı ilə də uzaqdan-yaxından əlaqəm yoxdur. Mən “7Gün.az” adlı sayt təsis etmişdim, həmin sayt da fəaliyyətini 8 ay öncə dayandırıb”, - Şirəliyev deyib.
Məsələ ilə bağlı Daşkəsən Rayon İcra Hakimiyyətinin başçısı Əhəd Abıyevlə əlaqə saxlamaq mümkün olmayıb. İcra başçısının köməkçisi isə sorğuya cavab verməyib. “Mənim xəbərim yoxdur”, - deyib.
Qeud edək ki, “7 GÜN. org” saytında Daşkəsən Rayon İctra Hakimiyyətinin başçısı Əhəd Abıyevin bir aktrisa ilə şəxsi münasibətlərindən bəhs edən məqalə dərc edilib. Məqalədə Abıyevin şəxsi münasibətləri müqabilində aktrisaya Bakı şəhərində mənzil bağışladığı bildirilir.
“7 GÜN. org” saytında dərc edilən digər məqalədə isə Əhəd Abıyevin mövqeyi yer alıb. İcra Hakimiyyətinin başçısı məqalədə yazılanları təkzib edib, uydurma adlandırıb.
“Onunla heç bir tanışlığımız, qohumluğumuz yoxdur. Bu, yalan, şər və böhtandır, qərəzli şayiədir. Əgər üzr istəyib təkzib verilməzsə, bu yazını yazanı yeni media qanunu ilə məhkəməyə verəcəm”, - Abıyev qeyd edib. -05D-
Cəmiyyət
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
Rəy yaz