İctimai birlik ikinci sessiyanı da baş vurdu

“Gənclər Klubu” ictimai birliyi çərşənbə günü RATİ-də klubun təlimlərində iştirak edən gənclərə setifikatların təqdim olunması mərasimi keçirib.

İctimai birlik Avropa Demokratiyaya Dəstək Fondunun (ADDF)  maliyyə dəstəyilə “İctimai fəaliyyət və liderlik” layihəsini icra edir. Layihə çərçivəsində 55 nəfər II sessiyanı uğurla başa vurub.

Birliyin rəhbəri Zaur Əkbər bildirib ki, hər qrupda 6 nəfər olmaqla 10 qrup təşkil edilir. Sessiya çərçivəsindəki təlimlərdə gənclərə strategiya, liderlik, təşlkilat quruculuğu keyfiyyətləri aşılanır. Bu gənclər ictimai həyatda fəal iştirakları ilə fərqlənmək istəyən təbəqədir. Bu qruplara 1918-20-ci illərdə mövcud olmuş Azərbaycan Xalq Cümhuriyyəti yaradıcılarının adları verilir. Sessiya başa çatanda hər qrup adını daışıdığı şəxs barəsində danışaraq cəmiyyətə təqdim edirlər. Sonda isə seçki simulyasiyası olur. Belə ki, simulyasiyda şərti dövlətin prezidenti seçilir. Prezidentliyə iddialı şəxs seçi kampaniyası aparır və nəhayət seçki keçirilir.

II sessiyanın sonunda keçirilən seçkidə Orxan Şahbazlı prezident seçilib. O. Şahbazlı karate üzrə dəfələrlə ölkə çempionu da olub.

Hər sessiya müddəti 3 ay çəkir. Bir ay sessiyaya dəvətə, bir ay ərizələrin qəbulu,  və intervyülərə daha bir ay isə təlimlərin keçirilməsinə sərf edilir. Layihə bir illik olduğu üçün ictimai birlik daha iki sessiya keçirəcəyini bildirir.-05C-