İctimai fəal Elmir Abbasov "Abzas Media" işi üzrə dindirilib
İctimai fəal Elmir Abbasov mayın 7-də Bakı Şəhər Baş Polis İdarəsində "Abzas Media" işi üzrə ifadə verib. Bu barədə onun özü məlumat verib. Onun sözlərinə görə, ona verilən müəyyən sualları cavablandırıb. O, iltizam verdiyinə görə sualların nə ilə bağlı verildiyini açıqlaya bilməyəcəyini qeyd edib. Dindirmə təxminən 1 saat 30 dəqiqə çəkib. Fəal hər hansı təzyiqlə üzləşmədiyini bildirdi.
Abbasov eyni zamanda “Toplum TV işi” üzrə təqsirləndirilən şəxs qismində cəlb edilib Onun barəsində “polis nəzarəti” qətiimkan tədbiri seçilib.
“Abzas Media” və “Toplum TV”yə qarşı işlərdə ümumilikdə 17 nəfər – jurnalistlər, media işçiləri, fəallar cinayət məsuliyyətinə cəlb edilib. Onlardan 15-i həbsdədir. Bu şəxslərin hamısı qaçaqmalçılıqda ittiham olunur.
Təqsirləndirilən şəxslər ittihamları rədd edir və cinayət işlərini jurnalist və ya ictimai fəaliyyətləri ilə əlaqələndirirlər.
-
- Siyasət
- 7 May 2024 18:18
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz