İdrak Abbasov əməliyyat olunub

Dünən “Ayna-Zerkalo” qəzetinin və Reportyorların Azadlıq və Təhlükəsizlik İnstitutunun (RATİ) müxbiri İdrak Abbasov Bakı klinikalarından birində böyrəkdən kistanın alınması üzrə əməliyyat olunub.

Bu, jurnalistin bu ilin aprel ayında Sulutəpə qəsəbəsində SOCAR-ın təhlükəsizlik idarəsinin əməkdaşları tərəfindən vəhşicəsinə döyülməsinin nəticəsidir.

Üzərində “Press” yazısı olan fərqləndirici jilet geyinmiş jurnalist SOCAR əməkdaşları və neft şirkəti tərəfindən onun torpaq sahələrini ələ keçirməkdə təqsirləndirilən yerli sakinlər arasında qarşıdurmanın videoçəkilişini həyata keçirirdi.

İdrakın qabırğaları sındırılıb, kəllə-beyin travması alıb, gözü və daxili orqanları zədələnib. Abbasov gözündən də əməliyyat olunmalıdır. Jurnalistin müalicə xərclərinin bir hissəsini “Sərhədsiz reportyorlar” ödəyib.

Jurnalistin amansıcasına döyülməsinə görə heç kim məsuliyyətə cəlb edilməyib. Əli Həsənovun simasında hakimiyyətin versiyası Abbasovun münaqişədə yerli sakinlərin tərəfində iştirak etməsi və SOCAR əməkdaşlarının onun jurnalist olduğunu bilməməsindən ibarətdir. 

İki həftə əvvəl ATƏT-in KİV azadlığı üzrə xüsusi nümayəndəsi Dunya Miyatoviç Bakıda keçirilən seminarda bu dəlilləri qəbul etməyərək, üzərində “Press” yazılmış fərqləndirici jiletlə döyülən Abbasovun şəkillərinin bütün dünyaya yayıldığını qeyd edib. -06B-