Noyabrın 19-da məşhur publisist Rafiq Tağının qətlinin iki ili tamam olur. Bu qədər vaxt sonra cinayətin üstü hələ də açılmayıb, deyə Media Hüquqları İnstitutunun bəyanatında bildirilir.
MHİ-nin bəyanatında ölkədə jurnalistlərə qarşı heç bir cinayətin üstünün açılmamasına görə Azərbaycan hakimiyyəti tənqidə məruz qoyulur.
İstintaq formal aparılır, müdafiə tərəfin çoxsaylı vəsatətlərinə məhəl qoyulmur, ictimaiyyətə aparılan iş barədə məlumat verilmir.
Xatırladaq ki, publisist axşam saatlarında öz evinin yaxınlığında naməlum şəxsin hücumuna məruz qalıb, cinayətkar Tağıya bir neçə bıçaq xəsarəti yetirib. İki gün sonra publisist xəstəxanada dünyasını dəyişib.
İran dini xadimləri bu qətli alqışlayaraq, Azərbaycanda bütün islam tənqidçiləri ilə hesablaşmağa çağırış ediblər.
Ölümündən bir ay əvvəl Rafiq Tağı İran klerikallarına qarşı tənqidi məqalə yazıb.
2006-cı ildə Rafiq Tağı Qərb dəyərlərinin islami dəyərlərdən üstünlüyü haqqında “Avropa və biz” adlı məqaləsində dindarların hisslərini təhqir etdiyinə görə mühakimə edilmişdi. 16 /06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz