Rusiya Ermənistan və Qazaxıstanla vahid regional hava hücumlarından müdafiə (HHM) sistemləri yaradacaq. Bu barədə Rusiya prezidenti Putin noyabrın 19-da Kremldə yüksək vəzifəli zabitlərin təqdim edilməsi mərasimində bildirib. “Həmçinin, Belarusla vahid HHM sistemini gücləndirməyi planlaşdırırıq”, deyə məlumatı yayan Kremlin mətbuat xidməti Putinə istinad edib.
RF rəhbəri hesab edir ki, “bu əməkdaşlıq Rusiyanın və tərəfdaşlarının müdafiə potensialını nəzərəçarpacaq dərəcədə artıracaq, habelə Avrasiya məkanında sülh və sabitliyin möhkəmləndirilməsinə xidmət edəcək”.
Bundan başqa, onun sözlərinə görə, Rusiyanın ənənəvi tərəfdaşları və müttəfiqləri, ilk növbədə KTMT, ŞƏT, MDB dövlətləri ilə qarşılıqlı fəaliyyət genişləndiriləcək.
“Bu il “Qərb-2013” Rusiya-Belarus strateji təlimləri uğurla baş tutub. Növbədə Ermənistan, Belarus, Qazaxıstan və Tacikistanın iştirakı ilə regional qoşun qruplaşmalarının yaradılması var”, deyə V.Putin nitqinə yekun vurub. -02D-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz