Bu gün Bakı Ağır Cinayətlər Məhkəməsində İranın xeyrinə casusluq etməkdə dövlətə xəyanətdə ittiham olunan Qafqaz Müsəlmanları İdarəsinin sektor müdiri Elşən Mustafaoğlu barəsində hökm oxunub.
Mustafaoğlu son çıxışında ona qarşı irəli sürülmüş ittihamları təkzib edib.
Müşavirədən sonra məhkəmə hökmü elan edib. Mustafaoğlu 274-cü maddə ilə (dövlətə xəyanət) təqsirli bilinib və 10 il müddətinə azadlıqdan məhrum edilib. Bu barədə Turan-a onun vəkili Əfqan Məmmədov məlumat verib.
Müdafiə tərəfi hökmlə razı deyil və ondan şikayət vermək niyyətindədir.
Vəkilin sözlərinə görə, Mustafaoğlunun təqsirinin sübutu təqdim edilməyib.
Müdafiə tərəfi hesab edir ki, ittiham birbaşa Mustafaoğlunun hər hansı qanunsuz əməl törətdiyini şahidi olmayan, məhkəmədə yalnız bu barədə eşitdiklərini bəyan edən səkkiz şahidin ifadələri əsasında qurulub.
Prokuror ilahiyyatçının 12 il azadlıqdan məhrum edilməsini istəmişdi.
Mustafaoğlu 2014-cü ilin dekabrında keçmiş Milli Təhlükəsizlik Nazirliyinin əməkdaşları tərəfindən həbs olunub. Ona qarşı CM-in 274-cü (dövlətə xəyanət) maddəsi ilə ittiham irəli sürülüb.
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz