İlk qəbul imtahanları

Bakı/14.05.18/Turan: Mayın 13-də Azərbaycanda 2018-2019-cu tədris ili üçün ölənin ali və orta ixtisas məktəblərinə ilk qəbul imtahanı keçirilib. Ənənəvi marafonunun yaz mərhələsinə II və III ixtisas qrupu abituriyentləri start veriblər.

Dövlət İmtahan Mərkəzinin mətbuat xidmətindən Turan-a verilən məlumata görə, imtahanlar Bakı, Naxçıvan, Gəncə, Sumqayıt, Mingəçevir, Şəki, Bərdə, Göyçay, Şirvan, Lənkəran və Xaçmazda keçirilib. İmtahanda 36 min abituriyent iştirak edib, onların 17253 nəfəri iqtisadi, 19306 nəfəri humanitar ixtisasların payına düşür.

Ən böyük abituriyent 58, ən kiçik abituriyent 15 yaşındadır. Amma qəbul kampaniyasının başqa maraqlı məqamları da var. Əvvəlki illərdən fərqli olaraq, bu il qeyd edilən ki qrupda qızlar açıq-aşkar üstünlük təşkil edir - 16194 oğlan, 20365 qız.

Bundan başqa, ümumtəhsil müəssisələrinin məzunları da üstünlük təşkil edir - onların sayı 28 mindən çoxdur.

Ali və orta ixtisas məktəblərinə qəbul imtahanlarının yaz sessiyasında iştirak üçün 69698 abituriyent sənəd verib. Amma tezliklə iyulda keçiriləcək yay imtahanlarına sənəd qəbulu elan ediləcək.

Hələlik ölkənin ali məktəblərində plan üzrə yerlər haqqında rəsmi statistika açıqlanmayıb, amma II və III qruplar üzrə məlumatlar elan edilib. DİM Direktorlar Şurasının sədri Məleykə Abbaszadənin sözlərinə görə, II qrup üzrə ali məktəblərdə 13 395 yer, III qrup üzrə 10 679 yer ayrılıb. Ötən illə müqayisədə bu, müvafiq olaraq 4% və 9% çoxdur.

Bu dinamika ölkədə iqtisadçılara, maliyyəçilərə, marketoloqlara ehtiyac olduğunu göstərir, amma ən çox vəkillərə, sosioloqlara, sosial işçilərə, tərcüməçilərə ehtiyac var. Əlillərin, tənha insanların, uşaqların ehtiyacı olan sosial xidmətlər sahəsi genişlənir.

Digər mühüm məqam isə abituriyentlərin ali məktəblərə qəbul olunmaq şanslarının artmasıdır. Belə ki, qaydalara əsasən, yaz sessiyasının iştirakçıları istəsələr daha yüksək bal yığmaq və ixtisas seçimi müsabiqəsinə tab gətirə bilmək üçün yay imtahanlarında da iştirak edə bilərlər.

Bundan başqa, yeni qaydalara görə, abituriyent müxtəlif ixtisas qrupları üzrə imtahan verə bilər. Məsələn, I qrup abituriyenti tapşırıqların öhdəsindən gələ biləcəyini düşünürsə, II və III qruplar üzrə də yay imtahanında iştirak edə bilər. Deməli, o, həmçinin iki və ya üç qrup üzrə ixtisas seçimi müsabiqəsində iştirak edə bilər. Amma o, ərizəsində göstərdiyi ilk üç ixtisasdan biri üzrə ali məktəbə qəbul ediləcək. -0-