REAL siyasi hərəkatının lideri Ilqar Məmmədova 2 həftədir ki, yaxınları ilə telefon əlaqəsi saxlaya bilmir. Səbəb də 2 saylı Cəzaçəkmə Müəssisəsinin rəhbərliyinin qadağasıdır. Bununlaa bağlı vəkil Cavad Cavadovun Pentinsiar Xidmətin rəisi Mədət Quliyeva müraciət edib.
“Hər dəfə 2 saylı Cəza Çəkmə MÜəssisəsində hüquqlarını müdafiə etdiyim Məmmədov İlqar Eldar oğlu ilə görüşə gələn zaman lüzumsuz olaraq ən azından bir saat gözləməli olurdum. 18 sentyabr 2015-ci il tarixdə saat 12-20-də növbəti dəfə görüşə gələn zaman 2 saatdan artıq qanunsuz olaraq gözlətdirildikdən sonra müvəkkilmilə görüşə icazə verilmişdir. Halbu ki, Azərbaycan Respublikası CƏzaların İcrası Məcəlləsinin 81.9. maddəsinə əsasən vəkil və ya hüquqi yardım göstərmək hüququna malik olan digər şəxs cəzaçəkmə müəssisəsinə onun şəxsiyyətini və səlahiyyətlərini təsdiq edən sənədi təqdim etdikdə buraxılır. Həmin gün görüş zamanı İlqar Məmmədov bildirmişdir ki, artıq 11 gündür ona adi qaydada Azərbaycan Respublikasının Cəzaların İcrası Məcəlləsində nəzərdə tutulmuş həftədə iki dəfə telefonla zəng vurmaq hüququ, heç bir izah verilmədən verilmir”, - deyə müraciətdə bildirilir.
Azərbaycan Respublikası Cəzaların İcrası Məcəlləsinin 84.1. maddəsinə əsasən müəyyən müddətə azadlıqdan məhrum etmə növündə cəzaya məhkum edilmiş şəxslər həftədə iki dəfə, ömürlük azadlıqdan məhrum etmə növündə cəzaya məhkum edilmiş şəxslər isə həftədə bir dəfə müddəti on beş dəqiqə olmaqla telefonla danışmaq hüququna malikdirlər.
İlqar Məmmədovun telefon hüququnun hansı səbəbdən alınması barədə tutarlı izah müdriyyət tərəfindən verilməmişdir və bu məsələnin aradan qaldırılması söz verilsədə bu edilməmişdir.
Həmin Məcəllənin 18-ci maddəsinə əsasən Cəzaları icra edən müəssisə və orqanın fəaliyyətinə nəzarəti müvafiq icra hakimiyyəti orqanları həyata keçirirlər.
“Bu qanunsuzluqlar barədə rəsmi müraciət etməklə onların araşdırılmasına, İlqar Məmmədovun telefonla danışmaq hüqunun, həmçinin onunla görüş zamanı yaradılan süründürməçilik hallarının qısa müddətdə aradan qaldırılmasına göstəriş verməyinizi xahiş edirəm”, - deyə sonda vəkil qeyd edir.-0-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz