SOCAR Avropa Komissiyasına güzəştə gedir, amma Yunanıstanın qaz bazarı üçün mübarizə aparacaq
SOCAR Yunanıstanın DESFA qazpaylayıcı şirkətində səhmlərin yarısını almaq üçün Avropa Komissiyasına güzəştə getmək qərarına gəlib.
“Biz SOCAR-ın əldə etdiyi 66% payın 16%-nin satışı üzrə danışıqlara hazırıq”, deyə ötən həftə SOCAR rəhbəri bildirib.
Sentyabrın 17-də Yunanıstanın Ekathimerini nəşri məlumat verib ki, sentyabrın sonuna kimi SOCAR DESFA-dan 17% pay alacaq şirkətləri müəyyən etməlidir. Əsas iddiaçılar Belçikanın Fluxys, Hollandiyanın Gasunie, İtaliyanın Infrastrutture Trasporto Gas və Snam Rete Gas şirkətləridir.
31 iyul 2013-cü ildə Yunanıstanın Dövlət Əmlakının İdarə edilməsi Fondu (Hellenic Republic Asset Development Fund, HRADF) SOCAR-ın DESFA-dan 66% səhm alması barədə əqdi təsdiq edib. 2013-cü ilin dekabrında SOCAR HRADF və «Petroleum» şirkəti ilə «Səhm alqı-satqısı» və «Səhmdarlar arasında müqavilə» imzalayıb. SOCAR DESFA-nın səhmlərinin 31%-i hökumətdən, 35%-i Hellenic Petroleum SA şirkətindən alır.
Avropa Komissiyası əqd barədə yekun qərar qəbul etməlidir.
Avropa Komissiyası 2014-cü ilin noyabrında əqdin araşdırılmasına başlayıb. 2015-ci ilin sonuna kimi AK yekun qərarı verməlidir.
Qeyri-rəsmi məlumata görə, AK SOCAR dövlət şirkəti olduğu üçün əqdi təsdiq etmir. Digər tərəfdən, o, gələcəkdə nəqliyyat və tədarükdə iştirakçı olacaq. Ona görə AK payın azaldılmasını təklif edir. –12В--
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz