Yüngül sənayedə azalma

Yüngül sənaye durğunluq mərhələsinə daxil olur: paltar və toxuculuq sənayesində istehsal həcmi azalır.

Dövlətstatkoma görə, ilin əvvəlindən toxuculuq sənayesində istehsal həcmi 10,4 mln manat təşkil edib. Bu, 2014-cü ilin eyni dövründəkinin 30,6%-i qədərdir. Deyilən dövrdə 741,2 ton pambıq lifi istehsal edilib. Bu, 2014-cü ilin eyni dövründəkindən 71,3% azdır. Müəssisələrin anbarlarında 2015-ci il sentyabrın 1-i üçün 8 min ton hazır məhsul qalıb.

Pambıq iplik istehsalı üçdə bir azalaraq 4,4 min ton olub. Deyilən dövrdə 171,7 min ədəd pambıq yataq ağları istehsal edilib. Bu, 2014-cü ilin eyni dövründəkindən 32% azdır.

Dövlətstatkoma görə, ilin əvvəlindən 41,6 mln manat məbləğində paltar istehsal olunub. Bu, ötən ilin eyni dövründəkindən 28,7% azdır.

Səkkiz ayda rəsmən 126,1 min ədəd üst trikotaj və 217 min ədəd alt trikotaj istehsal edilib. Maraqlıdır ki, həmin rəsmi məlumata görə, təkcə “Gilan” qrupunun tekstil müəssisələri Bakı və Sumqayıtda 100 min komplekt trikotaj məmulatı istehsal edib. 08D