İlqar Nəsibovun məhkəməsi başlayır
Oktyabrın 24-də Naxçıvan Şəhər Məhkəməsində hakim Mehman Allahverdiyevin sədrliyi ilə hüquq müdafiəçisi və jurnalist İlqar Nəsibovun Fərid Əsgərova qarşı, oktyabrın 27-də isə Fərid Əsgərovun İlqar Nəsibova qarşı cinayət işi üzrə hazırlıq iclası olacaq. Bu barədə Naxçıvanda fəaliyyət göstərən Demokratiya və QHT-lərin İnkişaf Resurs Mərkəzi İctimai Birliyinin rəhbəri Məlahət Nəsibova Turan-a bildirib.
Xatırladaq ki, Naxçıvanda qəddarcasına döyülən hüquq müdafiəçisi İlqar Nəsibovun Fərid Əsgərova qarşı, Fərid Əsgərovun isə İlqar Nəsibova qarşı iddiası üzrə cinayət işinin istintaqı Naxçıvan Şəhər Polis İdarəsində aparılıb. Hər iki şəxs Cinayət Məcəlləsinin 127.1 (Qəsdən sağlamlığa az ağır zərər vurma) maddəsi ilə ittiham olunur.
İlqar Nəsibov avqustun 21-də Naxçıvanda Demokratiyaya Dəstək Resurs Mərkəzinin ofisində qəddarcasına döyülüb. O, çoxsaylı xəsarət alıb, beyni silkələnib. Bundan sonra İ.Nəsibovun ərizəsi əsasında Naxçıvan Şəhər Polis İdarəsində Fərid Əsgərov adlı şəxsə qarşı CM 127.1-ci maddəsi ilə cinayət işi qaldırlıb. F.Əsgərov saxlanılıb və sonra azad buraxılıb.
Bir ay sonra sentyabrın 20-də F. Əsgərovun iddiası əsasında Naxçıvan Şəhər Polis İdarəsində İlqar Nəsibova qarşı da Cinayət Məcəlləsinin 127.1 maddəsi ilə cinayət işi qaldırılıb.
Məlahət Nəsibova Turan-a bildirib ki, həyat yoldaşı İ.Nəsibovun müalicəsi hələ də davam etdirilir. “Bununla yanaşı, istintaq İlqar Nəsibovun Naxçıvandan ölkənin digər yerlərinə getməsinə qadağa qoyub. Bu isə İlqarın Bakı və digər mərkəzi şəhərlərə gedərək müalicə üçün həkimlərə müraciət etməsinə imkan vermir. Adətən istintaq ölkəni tərk etməmək barədə qərar qəbul edir, amma İlqara Naxçıvanı tərk etməmək qadağa qoyulub”, - o qeyd edib.
İlqar və Məlahət Nəsibovlar Naxçıvanda insan hüquqlarının qorunması sahəsində aktiv fəaliyyət göstərirlər. Onlar İ.Nəsibovun qəddarcasına döyülməsinin jurnalist və hüquq müdafiəçisi fəaliyyəti ilə bağlı olduğunu bildirirlər. Onlarla beynəlxalq və yerli hüquq- müdafiə təşkilatı İ. Nəsibovun qəddarcasına döyülməsini araşdırıb, sifarişçilərin və icraçıların cəzalandırılmasını Azərbaycan hökumətindən tələb edib.
Naxçıvan Şəhər Polis İdarəsi isə insidentin məişət zəminində baş verdiyini, iki dostun dalaşdığını bildirib.-03B-
-
- İqtisadiyyat
- 20 Oktyabr 2014 14:57
-
- İqtisadiyyat
- 20 Oktyabr 2014 15:09
Cəmiyyət
-
Oktyabrın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gündüz bəzi yerlərdə havanın çiskinli olacağı, axşam isə arabir yağış yağacağı gözlənilir.
-
Oktyabrın 22-də evlərinə yağış sularının ziyan vurduğunu bildirərək Binə qəsəbəsinə gedən yolu avtomobillərlə kəsən vətəndaşlar inzibati qaydada həbs olunub.
-
Oktyabrın 27-dən etibarən İçərişəhər və Əziz Əliyev küçəsi ilə bağlı layihənin həyata keçirilməsinə başlanır, bu barədə Rəqəmsal İnkişaf və Nəqliyyat Nazirliyinin məlumatında deyilir.
-
Oktyabrın 24-də “Qarabağ” klubu Avropa Liqasının əsas mərhələsinin ev oyununda Hollandiyanın məşhur “Ayaks” klubuna 0:3 hesabı ilə uduzub.
Rəy yaz