İ.Məmmədov: Haqqımızı tələb etdik, polis çağırdılar

“Biz ancaq son anda bacım gəlinin üzünü gördük, ona da artıq  Səkinəni süni nəfəs aparatına qoşmuşdular və aydın idi ki, onun yaşama ehtimalı çox aşağıdır” .  Bunu “Turan”a Gəncə şəhərindəki Abbas Səhhət adına xəstəxanada doğuşdan sonra dünyasını dəyişən 23 yaşlı Tovuz rayon sakini Səkinə Əsgərovanın qohumu İntizam Məmmədov bildirib.

Onun sözlərinə görə, öncə S.Əsgərovanı Tovuz rayon xəstəxanasına gətiriblər, amma burada hıkimlər onu Gəncəyə aparmağı məsləhət görüblər:“Biz də xəstəni ambulatorla yanvarın 4-də Gəncəyə gətirdik, burada Abbas Səhhət adına xəstəxanya yerləşdirildi. Bundan sonra onün üzünü görə bilmədik. Dəfələrlə həkimdən soruşsaq da vəziyyəti necədir bizə cavab vermədilər”.

İ.Məmmədov deyir ki, qadın xəastəxanaya daxil olan kimi əməliyyata götürülüb, əmliyyatdan isə çıxmayıb. Yanvarın 4-də  əməliyyatdan çox sonra cərrahiyyə otağına daxil olaraq qadını görüblər, onda da S.Əsgərovanın sağlıq durumu şox pis olub. “Həkimlər ölümə səbəb kimi gah qanaxmanı, gah doğuşdan sonra  böyrək çatışmazlığını göstərdilər. Amma bunların heç biri inandırıcı deyil, bu sadəcə həkim bacarıqsızlığının və məsuliyyətsilziyinin nəticəsidir, qalan bütün dedikləri özlərinə bəraət qazandırmaq üçündür”-deyə İ.Məmmədov mövqeyini bildirir.

Onun sözlərinə görə, həkimlərdən hadisənin baş verməsini açıqlamğı tələb etdikdə xəstəxana rəhbərliyi xəstəxanaya polis qüvvələri çağırıb, dünyasını dəyiən S.Əsgərovanın yaxınlarını zor tətbiq edərək xəstəxana həyətindən çıxarıblar: “Cənazəni bizə yanvarın 5-i gecə saatlarında verdilər, Biz də Tovuza gələrək İbrahimhacılı kəndində dəfn etdik bacım gəlinini. Hələlik şikayət etməmişik, hüzr mərasimi başa çatsın, hüquq-mühafizə orqanlarına şikayət edəcəyik, qoy araşdırılsın görək ki, bacım qızının ölümünün səbəbi nədir? Əgər buna görə günahı olan aşkarlansaqoy günahlarına görə cəzalarını çəksinlər”.

Körpənin durumuna gəlincə, İ.Məmədov deyir ki, cxəstəxandan onlara deyilənə görə, körpnin durumu normaldır, amma başları bu hadisəyə qarşıdığına görə hazırda necə olması barədə xəbərləri yoxdur.

Hadisə ilə bağlı “Turan” olaraq A.Səhhət adına xstəxana ilə əlaqə saxlasaq da bunu yalnız baş həkimin cavablanıdra biləcəyini dedilər, baş həkimin isə yanvarın 5-də iclasda olduqalrını dedilər. Uzun müddət səylərimizə baxmayaraq baş həkimlə əlaqə yaratmaq mümkün olmadı.  –0--