Çərşənbə axşamı İranda həbs olunmuş azərbaycanlı şairlər Fərid Hüseyn və Şəhriyar Hacızadənin məhkəməsində onların gələcək taleyinə aydınlıq gətirilməyib. Azərbaycan XİN-in mətbuat xidməti bildirib ki, prosesdə həbs olunanların doğmaları və Azərbaycanın Təbrizdəki Baş Konsulluğunun iki əməkdaşı iştirak edib.
Lakin işə məhz hansı məhkəmədə baxıldığı və Azərbaycan vətəndaşlarının hüquqlarını İranlı vəkillərin və ya Azərbaycan hüquqşünaslarının müdafiə etdiyi barədə məlumat verilmir. Proses zamanı şairlərə əsasən İrana səfərlərinin məqsədi ilə bağlı suallar verilib.
Öz növbəsində, Hüseyn və Hacızadə İrana gəlməkdə heç bir bəd niyyətləri olmadığını bildiriblər. İrana poeziya festivalında iştirak üçün gəldiklərini bildirən şairlər təqsirsiz olduqlarını bildiriblər.
Eyni zamanda, hakim onların konkret olaraq hansı maddələrlə ittiham olunduqları barədə məlumat verməyib. Bununla belə, o bildirib ki, məhkəmənin qərarı yaxın günlərdə elan olunacaq.
Xatırladaq ki, şairlər mayın 2-də Tehrandan Bakıya qayıdarkən Təbrizdə saxlanılıblar. Rəsmi Bakı onların azad edilməsi tələbi ilə İran XİN-ə beş nota göndərsə də, İran hakimiyyəti yalnız iyulun 26-da Azərbaycanın Təbriz konsulluğunun nümayəndəsinin həbs olunanlara baş çəkməsinə icazə verib. Hakimiyyət onların İrana qanunsuz gəlməkdə ittiham olunduğunu bildirib. -06D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz