Kənd təsərrüfatı məhsulları istehsal edənlər 56,7 mln manat subsidiya alacaqlar

Avqustun 7-də dövlət büdcəsindən kənd təsərrüfatı məhsulları istehsal edənlərlərə yardım üzrə komissiyanın iclasında torpaq istifadəçilərinə 56 741 min manat ayrılması barədə qərar qəbul edilib. Bu, 2011-ci ildəkindən 4 mln manat  çoxdur. 

Kənd təsərrüfatı naziri İsmət Abasov jurnalistlərə bildirib ki, subsudiyalar 2007-ci ildə yanacaq-sürtkü materiallarının bahalanması ilə əlaqədar verilir. Qərara əsasən, hər hektar üçün torpaq istifadəçilərinə 40 manat verilir. Bu il 1 418 min ha üçün subsidiya veriləcək. 398 715 subyekt kömək alacaq. Bu, 2011-ci ildəkindən 8,4 min çoxdur. 

Nazir qeyd edib ki, ilin sonu üçün buğda və düyü əkənlər hər ha üçün əlavə 40 manat alacaq. 

Komissiyanın qərarı ilə 50% güzəştlə gübrə satışı üçün 2 284 min manat ayrılıb. Bu subsidiyalar 11 878 ton gübrənin satışı üçün verilir. 

Subsidiyanın səmərəsindən danışan Abasov qeyd edib ki, bu, kənd təsərrüfatı məhsullarının artımında (+10,4%) və qiymətlərinin düşməsində əksini tapır. Dövlətstatkoma görə, bu il 2,7 mln ton dənli və paxlalı bitki istehsal edilib. Toxumluq buğdaya tələbat daxili istehsal hesabına ödənilir, hektardan məhsuldarlıq isə 1,6:% artıb. Nazir hesab edir ki, yaxın illərdə ölkə məhsuldarlığın artımı və intensiv istehsal hesabına buğda istehsalını 3,5 mln tona çatdıra bilər. --08C—