Bakı Ağır Cinayətlər Məhkəməsində hakim Eldar İsmayılovun sədrliyi ilə İranın xüsusi xidmət orqanlarına işləməkdə ittiham olunan Faiq Qurbanov və Seymur Rzazadənin cinayət işi üzrə proses başa çatıb.
F.Qurbanov 14, S.Rzazadə 13 il müddətinə azadlıqdan məhrum ediliblər. Onlar CM-in 274-cü maddəsi (dövlətə xəyanət) ilə təqsirli biliniblər.
Prokuror onların 15 il müddətinə azadlıqdan məhrum edilməsini istəyib.
F.Qurbanovun vəkili Anar Qasımlı Turan-a bildirib ki, F.Qurbanov özünü təqsirli saymayıb. Digər müttəhim S. Rzazadə özünü təqsirli bilib.
Vəkil hökmdən apellyasiya şikayətinin veriləcəyini bildirib.
Həmin şəxslərin məhkəməsi 2014-cü il noyabrın 25-də başlamışdı.
İstintaq məlumatına görə, F. Qurbanov 2013-cü ildən İranın ETTELAAT xüsusi xidmətinin üzvü Bilal adlı şəxslə əməkdaşlıq edib. Bilal Azərbaycana dair məxfi məlumatları əldə etmək üçün F.Qurbanova xüsusi tapşırıqlar verib
S. Rzazadə isə ETTELAAT-ın digər üzvü Qafari adlı şəxslə əməkdaşlıq edib və ona Lənkəranda dindarların vəziyyətinə dair məlumatlar ötürüb.
Hər ikisi Azərbaycan MTN-in əməkdaşları tərəfindən həbs olunublar.-16d-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz