İranlı müctəhid Allahşükür Paşazadəyə həbsdəki dindarların azadlığına çalışmağı tövsiyə edib

Rəsmi Bakını daim ciddi tənqidlərə məruz qoyan müctəhid Məkarim Şirazi İranda səfərdə olan Qafqaz Müsəlmanları İdarəsinin sədri, şeyxülislam Allahşükür Paşazadə ilə görüşüb. Bu xəbəri İranın “arannyus” xəbər portalı yayıb.

M.Şirazi kimləri və ya hansı qüvvələri nəzərdə tutduğunu konkretləşdirmədən  “düşmənlərin” iki xalq arasında ayrılıq salmasına, şübhə yaratmasına icazə verməməyi tövsiyə edib. 

O, A.Paşazadənin Azərbaycan və Qafqazda nüfuz sahibi olduğunu  nəzərə çatdırıb. QMİ sədrinə bu mövqeyndən istifadə edərək müsəlman xalqı “azad etmək”, dini mərasimlərini icra edə bilmələrinə çalışmaq tövsiyəsini verib. “Mən Azərbaycan prezidentinə təklif etdim ki, xalqla asan rəftar etsin, zindanda olan bəzi dini şəxsiyyətləri azad etsin, çünki bunun həm xalqa, həm də qonşu xalqlara yaxşı təsiri olar”, - M.Şirazi Azərbaycanda islamçıların həbsilə bağlı vaxtilə yazdığı məktubu xatıradıb.   

A.Paşazadə müctəhidi Azərbaycan və Qafqaza səfərə dəvət edib.

Müctəhid M.Şirazi Bakıda “Fatimeyi Zəhra məscidi”nin sökülməsinə, hicaba qadağaya  etiraz olaraq aksiya keçirən islamçıların, İslam Partiyasının sədri Mövsüm  Səmədovun həbslərinə etiraz olan bəyanatlar səsləndirib.-05D-