![Dövlət Departamenti din azadlığına dair hesabatını açıqlayıb](https://turan.az/resized/media/2013/main/052100036951-750-500-resize.webp)
Dövlət Departamenti din azadlığına dair hesabatını açıqlayıb
“Din və etiqad azadlığı insanın dərin və mühüm ehtiyacını əks etdirir. Avropalı mühacirləri bir neçə əsr bundan öncə Amerika sahillərinə gətirən məhz bu azadlıq amacı olub və bu amac ABŞ Konstitusiyasında öz əksini tapır. Amma bu, eksklüziv olaraq Amerika hüququ deyil. 1948-ci ildə qəbul olunmuş İnsan Haqlarına dair Universal
Bəyannaməyə əsasən bütün dövlətlər düşüncə, vicdan və inanc azadlığına hörmət etməyə borcludurlar", - ABŞ Dövlət Departamentinin din azadlığına dair illik hesabatının müqəddiməsində deyilir. Bu gün açıqlanan sənəddə din azadlığına dair qanunlar və məhdudiyyətlərin əks-mütənasibliyindən söz açılır. Hesabatda həmçinin Azərbaycanda din azadlıqlarının boğulması yer alır.
Din azadlığının pozulması hallarına görə səkkiz ölkə öndə gedir. Bunlara Birma, Çin, Eritreya, İran, Şimali Koreya, Səudiyyə Ərəbistanı, Sudan və Özbəkistan daxildir. 2012-ci ildə İran və Çində vəziyyət daha da pisləşib, digər altı ölkədə isə olduğu kimi qalıb. Azərbaycanda “Yehova şahidləri” və bir sıra müsəlman dini qrupların fəaliyyəti məhdudlaşdırılıb.
Sənəddə deyilir ki, Azərbaycanda hökumət tərəfindən qeyri-ənənəvi adlandırılan dini qruplar polis təzyiqləri, cərimələr, gizli məhkəmələr və özbaşınalığın digər növləri ilə üzləşir.
“Bu ölkədə dini etiqadına görə insanlar həbs edilir. Azərbaycanda dini yayımlar, metro stansiyalarında dini kitabların satışı da daxil edilməklə, dini fəaliyyətlərə məhdudiyyətlər tətbiq edilir. Mayın 12-də Gəncə şəhərində “Yeddinci gün adventistləri”nin tədbiri dağıdılıb, mərasim iştirakçılarına cərimələr kəsilib.
Bakıda "Parlayan günəş" adlı dinə meylli nəşriyyat evi qapadılıb və onun üzvləri beş gün müddətinə həbs ediliblər.
Xaçmazda dinlərini təbliğ etməklə məşğul olan üç baptist polis tərəfindən saxlanılıb və hədələnib. Bəzi yerlərdə azana qadağa qoyulduğu xəbər verilib. Bir sıra məscidlər qapalı qalıb. Bu sırada Şəhidlər məscidi, Gəncədə sünni məscidi və Bakının Yeni Günəşli qəsəbəsindəki Fatimeyi Zəhra məscidi göstərilir.
ABŞ dövlət katibi Con Kerri din azadlığının hər bir insanın bəşəri haqqı olduğunu deyib. O, dünyanın din azadlığı ilə təmin edilməməsinin ABŞ-ın bir nömrəli narahatlığı olduğunu bildirib.
Hesabatda Venesuela, Misir və İranda antisemitizm hallarının artdığı qeyd edilir.
Con Kerri bir sıra ölkələrdə kafirlik haqqında qanunların tətbiqinin dini azadlıqları boğduğunu deyib.
Hesabatda bu sahədə Səudiyyə Ərəbistanı, Misir, Liviya, Tunis, İran, və Efiopiya kimi ölkələrin adı çəkilir.
Hesabatda xristianların ayrı-seçkilik hədəfinə çevrildiyi, azlıqda olan müsəlmanların da istisna təşkil etmədikləri vurğulanır. -03D-
-
- Mədəniyyət
- 21 May 2013 13:24
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz