Yanvarın 21-də Şəki məhkəməsində İsmayıllı hadisələri üzrə prosesdə İsmayıllı polis idarəsinin cinayət axtarış şöbəsinin rəisi Nicat Əliyev şahid qismində ifadə verib.
O bildirib ki, ReAl hərəkatının lideri İlqar Məmmədov və Müsavat Partiyasının sədr müavini Tofiq Yaqublu, habelə yerli sakinlər Elşən İsmayıllı, Vasif İbrahimov və Şükran Mehbalıyev iğtişaşların fəal təşkilatçıları olub.
Polis iddia edib ki, yanvarın 24-də saat 16.00 radələrində Məmmədovun və Yaqubovun yerli sakinləri iğtişaşlara təhrik etdiyini görüb.
Şahid qarışıq ifadələr verib. Bir tərəfdən o, saat 16.00-dan 17.00-a qədər Məmmədovu və Yaqublunu müşahidə etdiyini deyib, digər tərəfdən isə şöbəyə gedərək, Yaqublu barəsində protokol yazdığını, bir saat sonra qayıtdıqda onun hələ də orada olduğunu gördüyünü bildirib.
Şahid ifadələrinin ziddiyyətli olması ilə bağlı açıqlama verə bilməyib.
Proses yanvarın 22-də davam edəcək. -0-
2014 Yanvar 21 (Çərşənbə axşamı) 13:44:19
Şəki Ağır Cinayətlər Məhkəməsində İsmayıllı hadisələri ilə bağlı məhkəmə prosesi şahidlərin dindirilməsi ilə davam edib. Saat 13.00-dək 21 şahid dindirilib. Şahidlərin hamısı REAL Hərəkatının lideri İlqar Məmmədov, Müsavat Partiyası başqanının müavini Tofiq Yaqublu və digər müttəhimlərin heç birini hadisələr zamanı görmədiklərini bildirib.
2013-cü il yanvarın 23-də İsmayıllı şəhərində "Çıraq" hotelinin inzibatçısı Emil Şəmdinov və onun tanışı Elməddin Məmmədov sərxoş vəziyyətdə özgənin əmlakına ziyan vurub və qərəzli xuliqanlıq hərəkətləri edib. Hadisə yerinə toplaşmış bir qrup şəxs onların hərəkətlərinə dözməyərək "Çıraq" hotelinin və müxtəlif markalı avtomobillərin yandırılması ilə nəticələnən kütləvi münaqişə, daha sonra etirazlar edib. Etirazlar yanvarın 24-də yatırılıb. 18 nəfər həbs edilib.
Həbs olunanlar arasında etirazlar yatırıldıqdan sonra İsmayıllıya getmiş müxalif REAL Hərəkatının lideri İlqar Məmmədov və Müsavat Partiyası başqanının müavini Tofiq Yaqublu da var. Onlar, həmçinin 16 nəfər rayon sakini Cinayət Məcəlləsinin 233 (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315.2-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə ittiham olunurlar.
Məhkəmə günortadan sonra şahidlərin dindirilməsi ilə davam edəcək. İş üzrə 100-dən çox şahid var.
Məhkəmə noyabrın 4-də başlayıb. -0-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz