Ağır Cinayətlərə dair İşlər üzrə Şəki Məhkəməsində İsmayıllıda yerləşən “Çıraq” otelinin administratoru Emil Şəmdinov və onun dostu Elməddin Məmmədovun işi üzrə proses başa çatıb. Onlar yanvarın 23-də İsmayıllıda kütləvi iğtişaşlara səbəb olan YNH törətməkdə ittiham olunurdu.
Şəmdinov 126.2.4 (xuliqanlıq məqsədilə təhlükəli üsulla bədən xəsarətləri yetirmə), 221.2.1 (bir qrup şəxs tərəfindən törədilən xuliqanlıq) və 221.2-ci (ictimai asayişin pozulmasının qarşısını alan şəxslərə müqavimət göstərməklə xuliqanlıq) maddələrlə təqsirli bilinib və 9 il 6 ay müddətinə azadlıqdan məhrum edilib.
Məmmədov 221.2.1 və 221.2.2-ci maddələrlə 3 il azadlıqdan məhrum edilib.
Müttəhimlər apellyasiya şikayəti veriblər. -06В-
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz