İsmayıllı hadisəsi ilə bağlı bir neçə şəxs barəsində həbs-qətimkan tədbiri seçilib

İsmayıllı rayon İcra Hakimiyyətinin rayon sakinləri ilə görüşü keçirilib. 

Azərbaycan Respublikasının Daxili İşlər Nazirliyinin Baş İctimai Təhlükəsizlik İdarəsinin rəisi, Məmmədov Cavanşir  İsmayillıda baş vermiş  hadisə ilə bağlı  bir neçə şəxsin artıq cinayət məsuliyyətinə cəlb olunduğunu və barələrində həbs-qətimkan tədbiri seçilib.

Onun sözlərinə görə, hadisə zamanı bir neçə polis əməkdaşı xəsarət alıb. Hadisə ilə bağlı  DİN və prokurorluğun nümayəndələri rayona ezam olunublar və araşdırmalar davam etdirilir.

DİN işçisi Cavanşir Məmmədov İsmayıllı rayonunda sakinlər arasında söhbətlər aparıldığını deyib.

“Biz onları başa saldıq, onların müəyyən hissəsini hadisə yerindən uzaqlaşdırdıq. Rayon ağsaqqalları vasitəsilə hadisələrin qarşısını almağa çalışdıq", deyə C.Məmmədov bildirib.

Onun sözlərinə görə, həmin gün axşam və dünən rayonun ayrı-ayrı yerlərində, bir neçə istiqamətdə bir qrup insanlar, gənclər dövlət obyektlərinə hücum eləməyə çağırışlar etmək istəyiblər.

Həmçinin kanalizasiya qapaqlarını şahmat formasında düzərək, polis maşınlarının  keçməsinin qarşısını almağa çalışıblar və 5-6 yerdə yanğın törədiblər, deyə C.Məmmədov qeyd edib.

Bundan əlavə, İsmayıllı rayon icra hakimi Nizami Ələkbərov da danışıb. “Bu, adi insidentdir. Adi yol nəqliyyat hadisəsidir. Belə hadisələr tez-tez baş verir”, deyə icra başçısı dünən dediklərini demək olar ki təkrarlayıb.

Bundan başqa, icra başçısı bu yol nəqliyyat hadisəsinin böyüdülməsinə təssüflənib. “Çıraq moteli talan edilib”, deyə o bildirib. 

YAP rəhbərliyindən Əli Əhmədov vəMübariz Qurbanlı da görüşə qatılıblar. -16D-