Sahibkarlığa Kömək Milli Fondu 2012-ci ildə vəsaitlərin bölünməsi barədə hesabat yayıb. Sənədə əsasən, vəsaitlərin 84%-i 63 iri layihəyə yönəldilib. Hər bir layihə üzrə ən azı 10 mln manat vəsait alınıb. Onların arasında öz bankı olan holdinqlərə məxsus çoxlu layihələr var.
2012-ci ildə, eləcə də əvvəlki illərdə çoxlu büdcə vəsaiti “Gilan Holding”, “Azersun Holding”, “ZQAN Holding” və s. iri layihələrinə yönəldilib. Bu holdinqlərin öz bankları var. «Milli Büdcə Qrupu» koalisiyasının üzvü Qubad bayramov hesab edir ki, SKMF vəsaitlərinin bu cür bölgüsü ədalətli deyil. «Hesab edirəm ki, iri maliyyə resurslarının bu holdinqlərə verilməsi dövlət büdcəsi vəsaitlərindən səmərəsiz istifadə deməkdir», deyə o qeyd edib. Ekspertin fikrincə, hökumət belə halları aradan qaldırmaq üçün SKMF vəsaitlərinin bölünməsi prinsiplərinə yenidən baxmalıdır. Bank strukturu olan holdinq şirkətləri özəl biznesə kreditləri 25%-ə çatan faizlə verir, özləri isə 5%-lik güzəştli dövlət kreditlərindən istifadə edir. 08B
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz