Jurnalist ittihamları rədd edir

Dekabrın 27-də Bakı Ağır Cinayətlər Məhkəməsində “jam.az” saytınım baş redaktoru Fikrət Fərəməzoğlunun məhkəmə prosesi keçirilib.

Məhkəmə prosesində zərərçəkmiş qismində Mehman İbişbəyli çıxış edib. M.İbişbəyli zərərçəkmiş qismində ifadə veərək "Antalya ailəvi restoranı"nı etibarnamə ilə işlətdiyini və F.Fərəməzoğlunun onu dəfələrlə şantaj etdiyinideyib: "10 ildən çoxdur ki, bu restoranı işlədirəm. 2016-cı ilin aprel ayında Fikrət restorana gəldi. Məni istədiyi pulu verməsəm hətta həbs etdirə biləcəyi ilə hədələdi. Hazırda 1000 manat, daha sonra hər ay 2000 manat verməli olduğumu dedi. Əgər pulu verməsəydim başqa saytlarda haqqımda yazılar yazıb, biabır edəcəkdi. İşçilərimdən birinin yanında ona 1000 manat pul verdim. Bir müddət sonra saytlarda bizim haqqımızda yazılar yazıldı. Hansı sayta zəng edirdimsə deyirdilər ki, “jam.az”a istinadən yazmışıq. Fikrət yazıların çıxarılması üçün məndən 3000 istədi. Şantaja davam etdiyi üçün sonunda Baş Mütəşəkkil Cinayətlərə Qarşı Mübarizə İdarəsinə şikayət etdim".

Daha sonra isə zərərşəmiş əməliyyatçılarla birlikdə F.Fərməzoğluna pul verməyə getdiyini deyib: "Fikrətə pul verdiyim zaman əməliyyatçılar məndən işarə gözləyirdi və Fikrət pulu cibinə qoyanda əməliyyatçılar gəldi", deyə M.İbişbəyli bildirib.

F.Fərəməzoğlu isə bu adamdan pul almadığını, danışdıqlarının yalan olduğunu bildirib. Növbəti məhkəmə prosesi yanvarın 13-nə kimi təxirə salınıb. -36C-