Кямран Махмудов
Bakı/22.06.17/Turan: Bu gün Azərbaycan-Gürcüstan sərhədində saxlanılmış jurnalist Kamran Mahmudov saat 12:15 radələrində Qazax rayon polis şöbəsindən buraxılıb. Bu barədə o özü Turan agentliyinə bildirib.
O, Gürcüstana dostu vəkil Cavid Rzazadə ilə birlikdə gedirdi. Sərhəd nəzarətində pasportu yoxlayarkən onu saxlayıblar və növbə rəisinə təhvil veriblər. Hadisə saat 4:37 radələrində baş verib.
O deyib ki, Mahmudovun polis orqanlarına təhvil verilməsi haqqında göstəriş var.
Saat 5 radələrində jurnalisti Qazax rayon polis şöbəsinə gətiriblər və bir müddət sonra DİN-in onun "saxlanması" haqqında 27 aprel 2017-ci il tarixli əmri olduğunu bildiriblər. Saxlanılmasının səbəbini ona izah etməyiblər.
"Mənə çox şey qaranlıq qaldı. Bilmirəm saxlanmam haqqında əmrin səbəbi nədir.
Ölkəmizdə hökumətin jurnalistlərə "diqqətini" nəzərə alaraq, hər şey gözləmək olar", deyə Mahmudov bildirib.
Polisdə jurnalistlə rəftara gəlincə, Mahmudov deyib ki, xoşbəxtlikdən onun yanında vəkil Rzazadə olub. Amma onu polis şöbəsinə buraxmayıblar və jurnalistin üzərinə baxış zamanı vəkil iştirak etməyib. Bununla belə, onun yanında olması əhəmiyyətli idi.
Jurnalist deyib ki, müsadirə olunan bütün əşyalar, pullar və sənədlər ona qaytarılıb.
Jurnalist ölkədən çıxışının qadağan olunmasının səbəblərini araşdırmaq üçün məhkəməyə müraciət etmək niyyətindədir. -06D-
* * *
2017 İyun 22 (Cümə axşamı) 13:16:30
Jurnalist Kamran Mahmudov saxlanılıb
Bakı/22.06.17/Turan: Jurnalist Kamran Mahmudov iyunun 22-də səhər saatlarında Azərbaycan-Gürcüstan sərhəddində Azərbaycan Sərhəd Xidməti tərəfindən saxlanılıb. Bu barədə onunla birgə olan vəkil Cavid Rzazadə Turan-a bildirib.
Vəkilin dediyinə görə, Sərhəd Xidmətində jurnalistə polis tərəfindən axtarışda olduğu deyilib.
"Sonra polis gəldi və Mahmudovu Qazax rayon Polis şöbəsinə gətirdilər. Orada dedilər ki, üzərinə baxış keçiriləcək. Əvvəlcə mən Kamranla birgə polis şöbəsində idim. Lakin sonradan məni polis şöbəsindən çıxardılar. İndi saat 11-ə işləyib, hələ də məni içəri buraxmırlar", deyə vəkil qeyd edib.
Qazax rayon Polis Şöbəsinin növbətçi hissəsindən Kamran Mahmudovun polisdə saxlanıldığını Turan agentliyinə təsdiq ediblər.
"Mahmudovu Dövlət Sərhəd Xidməti saxlayıb. Ona görə, də Sərhəd Xidmətindən məlumat gözləyirik. Ona sərhəddən buraxılmamaqla bağlı "stop" qoyulub", deyə növbətçi bildirib.
Kamran Mahmudov ANS televiziyasında, "Azadlıq" radiosunda, Kanal 13 İnternet televiziyasında işləyib. Hazırda jurnalist Toplum TV internetn televiziyasında işləyir. -0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz