Bu gün Ağır Cinayətlər Məhkəməsində “Azadlıq” qəzetinin redaktoru və “Azərbaycan saatı” proqramının rəhbəri Qənimət Zahidovun qohumlarının barəsində hökm çıxarılıb.
Hakim Eldar Mikayılov Rüfət və Rövşən Zahidovların hər birini 6 il azadlıqdan məhrum edib.
Vəkil Bəhruz Bayramov Turan-a bildirib ki, hakim onları narkotik maddə saxlamaqda ittiham edib. Hökmdən şikayət veriləcək.
Xatırladaq ki, Rüfət və Rövşən Zahidovlar ötən ilin iyulunda həbs olunublar. Onlar fəhlədirlər və Şamaxıda yaşayırlar. Həbsin əsl səbəbi Qənimət Zahidin jurnalist fəaliyyətidir. Q.Zahidov bir neçə ildir ki, Fransada mühacirətdədir və orada “Azərbaycan saatı” peyk proqramını təsis edib.-16D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz