Noyabrın 2-də bir qrup gənc Azərbaycanın Kiyevdəki səfirliyinin qarşısında etiraz aksiyası keçirib. Gənclər Bakıda həbs olunmuş gənc fəal Qiyas İbrahimovla həmrəylik nümayiş etdiriblər.
Aksiya iştirakçıları səfirliyin yanında yerləşən Heydər Əliyev adına bağın divarına Qiyasa azadlıq tələbilə yazı yazıblar.
“Biz bu aksiya ilə azadlığa biganə olmayan insanları 10 il həbs cəzası alan Qiyası dəstəkləməyə çağırırıq. Biz sizin həyatınızın 10 ilini, bununla da gəncliyinizi alan, qəpik-quruşa işləməyə məcbur edən, avtoritar quruluş yaratmaqla azadlığı alan rejimə qarşı mübarizənin vacibliyini yaxşı başa düşürük”, - aksiya iştirakçılarının Facebook-da yerləşdirdiyi müraciətdə deyilir.
Yazıdan görünür ki, aksiyanı özlərini anarxistlərə aid edən gənclər keçiriblər.
“Repressiya olunmuş anarxistlərə dəstək beynəlmiləl həmrəylik tələb edir. Odur ki, biz nahaq yerə barmaqlıqlar arxasına düşən hər kəsin barəsində daha çox informasiya yaymağa, heç olmasa kiçik aksiyalar keçirməyə və ictimai məkanda bu mövzunu aktuallaşdırmağa çağırırıq. Həbsdə olan anarxistlərə azadlıq!”,- müraciətdə deyilir. Müraciət qraffitinin yazıldığı video ilə müşayiət olunur.
Xatırladaq ki, Qiyas İbrahimov mayın 10-da Bakıda Heydər Əliyevin abidəsinin üzərinə yazı yazan iki fəaldan biridir. Buna görə onlar narkotik maddə ittihamı ilə 10 il azadlıqdan məhrum ediliblər.-03D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz