Koronavirus şübhəsilə xəstəxanaya yerləşdirilənlər şəraitin pis olmasından şikayətlənirlər (VİDEO)
Bakı/28.02.20/Turan: Koronavirus şübhəsi ilə Astara Mərkəzi Rayon Xəstəxanasına yerləşdirilən vətəndaşlar bu xəstəxanadakı şəraitdən narazıdırlar. Bu barədə fevralın 26-da İrandan Azərbaycana gələn xəstələrdən biri Rahilə Musayeva “Azadlıq” radiosuna bildirib.
“İranda iki gün qaldıq. Qayıdanda bizi yoxladılar, dedilər ki, “heç nə yoxdur”, sonra bildirdilər ki, 15 dəqiqəlik yoxlayıb buraxacaqlar. Amma artıq 3 gündür buradayıq. Bizi burada antisanitariya şəraitində saxlayırlar. Antisanitariya şəraitində hazırlanan yeməkləri yemək olmur, yuyuna bilmirik. İsti sudan söhbət gedə bilməz, soyuq su ancaq bu gün verilib”, - qadın danışıb.
Onun sözlərinə görə, xəstəxana karantinə yerləşənlərlə doludur, onlar müxtəlif korpuslarda saxlanılır.
“Palatalarda 2-3 nəfər saxlayırlar, dəhliz, sanitar qovşağı eynidir. Xəstəxanada hərarətimizi ölçdülər, boğazdan yaxma və qan nümunələri götürdülər. Bizi burada nə qədər tutacaqlarını bildirmirlər”, - o deyib. Qeyd edək ki, ötən gün Astara xəstəxanasının baş həkimi vəzifəsindən kənarlaşdırılıb.
Rəsmi məlumatlara görə, Azərbaycan xəstəxanalarında koronavirusda şübhəli bilinən 190 nəfər saxlanılır.—21D-
Cəmiyyət
-
Dekabrın 12-də axşam saatlarından etibarən 13-ü səhərə qədər paytaxtda yağış gözlənilir. Ayın 14-də yağış qara çevriləcək, bu barədə Milli Hidrometeorologiya Xidmətinin sinoptikləri məlumat yayıb.
-
Səhiyyə Nazirliyində saxta plastik cərrahların fəaliyyətinin araşdırılması üçün işçi qrup yaradılıb. Bu barədə jurnalistlərə nazir Teymur Musayev bildirib.
-
Dövlət reyestrinə daxil edilməyən dərman vasitəsinin reseptə yazılmasına görə vəzifəli şəxslər (həkimlər) cərimələnəcək. Bunu edən həkimlərə 100-dən 150 manatadək, hüquqi şəxslərə isə 300-dən 400 manatadək cərimə nəzərdə tutulub. Bu, İnzibati Xətalar Məcəlləsinə əlavə kimi təklif edilən yeni -221.12-ci maddədə əksini tapıb.
-
Ölkənin lider mobil operatoru ISO 37001:2016 “Antikorrupsiya idarəetmə sistemi” standartları üzrə sertifikatını uğurla yeniləyib Azercell-in daxili siyasət və prosedurlarının ISO 37001:2016 standartına uyğunluğu, şirkətin fəaliyyətinin şəffaflıq prinsiplərinə əsaslandığı beynəlxalq ekspertlər tərəfindən bir daha təsdiqlənib. Sertifikatlaşma auditini 16 oktyabr 2024-cü il tarixində ABŞ-ın ən böyük akkreditasiya qurumu olan ANAB-ın (ANSI National Accreditation Board) akkreditə etdiyi Türkiyənin Denetik Belgelendirme şirkəti həyata keçirib. Auditin nəticələri Azercell-in antikorrupsiya proqramının bütün tələblərinə cavab verdiyini bir daha sübut edib.
Rəy yaz