Bakı/07.10.19/Turan: Bazar ertəsi Bakıda və Abşeronda küləyin sürəti saniyədə 33 metrə çatıb. Ölkə rayonlarında küləyin sürəti 19-25 metr arasında olub, bazar ertəsi axşam Ekologiya və Təbii Sərvətlər Nazirliyi bildirib. Dənizdə dalğanın hündürlüyü 4,6 metr olub.
Oktyabrın 8-də Bakıda və Abşeronda tutqun, küləkli hava şəraiti davam edəcək. Yağıntı gözlənilmir, şimal-qərb küləyi əsəcək, arabir güclənəcək.
Havanın temperaturu gündüz +20+23 dərəcə, gecə +15+17 dərəcə olacaq.
Ölkə rayonları üzrə şərq bölgəsində yağıntı olacaq, səhər duman gözlənilir. Güclü qərb küləyi əsəcək.
Mərkəzi aran rayonlarında gündüz havanın temperaturu +23+28, dağlarda +13+18 dərəcə olacaq. -02D-
Cəmiyyət
-
Dörd gün Qafqaz dağlarında olan Avstriyalı turist Markus Azərbaycanın İlisu kəndini tərk etdikdən sonra qaldığı evin sahibinə əsas təəssüratını - İlisuda zibillikdə plastik paketlər arasında otlayan inəyin şəklini göndərib.
-
Bu gün Bakıda xaricdə yaşayan azərbaycanlı alimlərin forumu açılıb. Azərbaycan Prezidentinin Administrasiyasının Humanitar siyasət, diaspora, multikulturalizm və dinlər departamentinin rəhbəri Fərəh Əliyeva forum iştirakçılarına Prezident İlham Əliyevin müraciətini təqdim edib.
-
Ötən həftə İtaliyada səfərdə olan Azərbaycan prezidenti İlham Əliyev ölkəsinin Avropa Şurası Parlament Assambleyası (AŞPA) ilə gərginləşən münasibətlərinin düzəlməsindən bəhs etdi. O dedi ki, AŞPA-nın bəzi üzvlərinin Azərbaycana səfərinə qoyulan qadağa ölkənin nümayəndə heyətinin bu təşkilata qayıtmasından sonra ləğv ediləcək: "Əgər qərarlarını dəyişib bizim haqqımızı bərpa etsələr, o zaman bu embarqo deyilən şey də aradan qaldırılacaq".
-
Ötən həftə sonu Sumqayıt Şəhər Polis İdarəsinin əməkdaşları narkotik vasitələrin qanunsuz dövriyyəsində şübhəli bilinən 1988-ci il təvəllüdlü Sakit Musayevi saxlayıb, xəbəri DİN-in mətbuat xidməti yayıb.
Rəy yaz