Фото из открытых источников
Avqustun 28-də Lerikdə baş vermiş zəlzələ nəticəsində 124 evə ziyan dəyib. Bunu Lerik Rayon İcra Hakimiyyəti başçısının sosial-iqtisadi inkişafın təhlili və proqnozlaşdırılması şöbəsinin müdiri Habil Məlikov bildirib.
Onun sözlərinə görə, 37 evə daha çox ziyan dəyib, bu evlərdə iri çatlar əmələ gəlib. Ziyan dəymiş evlər 75 kəndi və 29 ərazi nümayəndəliyini əhatə edir.
H.Məlikov dəyən ziyan barədə də məlumat verib: "Biz ziyanı hesablamırıq, bunun üçün Fövqəladə Hallar Nazirlyinin təmsilçləri rayona gələcəklər və dəyən ziyanı onlar hesablayacaqlar".
Astara Rayon İcra Hakimiyyətindən isə bildiriblər ki, rayonda heç bir ev zəlzələdən ziyan çəkməyib.
Lənkəran Rayon İcra Hakmiyyətinin bir neçə təmsilçisi ilə əlaqə saxlanılsa da bu şəxslər zəlzələnin nəticələri barədə məlumata malik olmadıqlarını deyiblər.
Xatırladaq ki, avqustun 28-də saat 17:00 radələrində Lerik rayonu ərazisində 5.1 gücündə zəlzələ baş verib, ətraf rayonlarda zəlzələ 4-3 bal gücündə hiss edilib.
Lerik RİH-dən verilən məlumata görə, ilkin baxışda 40-a qədər evdə çatların əmələ gəlməsi müşahidə edilib.
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz