“Nəfəs LGBT Azərbaycan Alyansı” İctimai Birliyi növbəti dəfə Ədliyyə Nazirliyi tərərfindən qeydiyyata alınmayıb.
Alyansdan Turan-a verilən məlumata görə, qeydiyyata alınmaq üçün müraciət Azərbaycan Respublikası Ədliyyə Nazirliyinin Qeydiyyat və Notariat Baş İdarəsinə mayın 19-da çatıb.
Lakin Qanunla müəyyən edilmiş müddətdə Birliyin təsisçilərinə (və ya qanuni təmsilçisinə) “Nəfəs LGBT Azərbaycan Alyansı” İctimai Birliyinin dövlət qeydiyyatına alınmasından imtina barədə cavab verilməyib.
Buna görə də təşkilat Ədliyyə Nazirliyini məhkəməyə verəcəyini qeyd edib.
Təşkilat həmçinin LGBT sahəsində könüllü çalışmağa razı olacaq hüquqşünasların olmamasından narahatdır.
“Beynəlxalq təşkilatları bu istiqamətdə bizə dəstək olmağa və Azərbaycan hökümətini öz üzərinə götürdüyü öhdəlikləri yerinə yetirməsi üçün təzyiq göstərməyə çağırırıq”, deyə məlumatda bildirilir.
“Nəfəs LGBT Azərbaycan Alyansı” İctimai Birliyi ilk dəfə 2012-ci ildə qeydiyyata alınması üçün sənəd göndərib. Lakin qeydiyyata alınıb-alınmamaqla bağlı heç bir münasibət bildirilməyib. -16D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz