![LGBT hüquqlarına hörmət etməyə çağırır](https://turan.az/resized/750/500/resize/media/2015/main/103000134774.jpg)
LGBT hüquqlarına hörmət etməyə çağırır
Oktyabrın 30-da Azərbaycanda fəaliyyət göstərən Peace for LGBTQ təşkilatı hazırladığı fototsessiya ilə bağlı mətbuat konfransı keçirib. “Z-53” adlandırılan fotosessiyadakı fotolarda Azərbaycanda LGBTQ təşkilatına daxil olan insanlar dini, mill və hüquqi müstəvidə təqdim edilib. Fotolar Milli Məclisin (parlament), məscidin və Flame Towers mərkəzinin fonunda çəkilib.
Peace for LGBTQ təşkilatının rəhbəri Gülarə Əzimzadə bildirib ki, fotosessiya insanlarda şok effekti yaratmaq, əvvəllər insanların marağında olmayan bir məsələnin indi müzakirə olunmasına nail olmaq məqsədi daşıyırdı. O qeyd edib ki, LGBTQ nümayəndələri arasında allaha çox inanan, dindar olan insanlar var.
“Bu inancı heç kim onların əlindən ala bilməz. Bizdə sosial şəbəkələrdə onları lənətləyirlər. Bu səbəbdən biz fotolarımızı dini, hüquqi və milli kontekstdə təqdim etdik”, deyə Əzimzadə qeyd edib.
LGBTQ təşkilatının rəhbəri bildirib ki, cəmiyyət qəbul etməsə də LGBTQ-çilər var.
“Mesajımız budur ki, biz varıq. Bizim deməyə sözümüz var. Bizim ifadə azadlığımız var və bundan istifadə edirik. Sadəcə, bu fotolar homofob cəmiyyətə illərlə yığılmış dözülməz diksriminasiyaya qarşı bir mesaj, üsyandır. Biz öz varlığımızdan utanmırıq. Bu fərqliliyi qəbul etməlisiniz”, deyə Əzimzadə bildirib.
Psixoterapevt Elmir Əkbər bildirib ki, bu insanlar haqqında kəskin fikrilər söylmək yersizdir.
“İnsanları dialoqa səsləmək lazımdır. Yaxşı olardı ki, deputat seçilmiş insanlar, inkişaf etmiş ölkələrdə olduğu kimi, onlar haqqında parlamentdə firkirlər səsləndirərdilər. Sağlam dialoqa ehtiyac var”, deyə o bildirib.
Peace for LGBTQ təşkilatı 2013-cü ildə təsis edilib, buna baxmayaraq, bugünki tədbir yarıgizli şəraitdə keçirilib. -16D-
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz