Türkiyədəki seçkilərdə iyun nəticəsi təkrarlana bilər

Türkiyədə 1 noyabr parlament seçkiləri öncəsi keçirilən sorğuların nəticəsi siyasi düzənə aydınlıq gətrimir.

Türkiyə xəbər saytları sorğu anketlərinin nəticələrinə əsasən, hakim “Ədalət və Dirçəliş” partiyasının 41%-ə qədər səs yığa biləcəyini qeyd edirlər. Amma bu nəticə bu ilin iyununda keçirilən seçkilərin nəticəsi kimi Erdoğana təkbaşına iqtidara gəlmək şansı vermir.

Hazırda müxalifətdə olan Cümhuriyyət Xalq və Millətçi Hərəkat partiyaları uyğun olaraq 27 və 14%-ə qədər səs sahibi olacaqlar. Bu yekunlar da bu partiyalara iqtidar olmaq şansı tanımır. Daha maraqlısı budur ki, kürdlərdən ibarət Xalqların Demokratiyası partiyası da səs faizlərini 14%-ə qədər artıra bilir. 

Türkiyə siyasət səhnəsində yenə də bu ilin iyun ayında keçirilmiş parlament seçkilərinin nəticəsi kimi tablo yaranır. İki müxalifət partiyasının səsi iqtidara sahib olmağa imkan vermir. Müxalifət isə,daha konkret CHP və MHP daha çox səs sahibi olan AKP ilə koalisiya hökuməti yaratmağa maraq göstərmir. XDP ilə koalisiya qurmağa nə CHP və MHP, nə də hakim AKP maraqlı deyil.

Bu nəticə ilə, görünür, Türkiyə hələ bir müddət də tam tərkibli hökumətsiz qala bilər. -05D-