![Rusiya Xəzərdən yenidən raket buraxıb](https://turan.az/resized/media/2015/main/103000134759-750-500-resize.webp)
Rusiya Xəzərdən yenidən raket buraxıb
Rusiya SQ eyni zamanda Plesetsk kosmodromundan, Şimal və Sakit Okeanı donanmasının sualtı qayıqlarından, Xəzər donanmasının gəmisindən və Tu-160 təyyarələrindən qitələrarası ballistik və qanadlı raketlər buraxıb.
Rusiya Müdafiə Nazirliyinin mətbuat xidmətinin məlumatında deyilir ki, raketlərin buraxılması idarəetmə sisteminin yoxlanması məqsədilə plana əsasən həyata keçirilib.
Raketlər Barents və Oxot dənizlərində “Bryansk” və “Podolsk” sualtı qayıqlarından, Plesetsk kosmodromundan, Xəzərdə təlim məqsədilə “Kalibr” qanadlı raketini buraxan “Velikiy Ustyuq” raket gəmisindən atılıb.
Raketin Xəzərin hansı hissəsindən və hansı hədəfə doğru buraxıldığı açıqlanmır.
Xatırladaq ki, bir müddət əvvəl bu gəmi dənizin İran sahilindən Suriya ərazisinə bir neçə raket buraxıb ki, bu da regionda böyük narahatlığa səbəb olub, bir sıra aviaşirkətlər isə Xəzər üzərindən reysləri ləğv ediblər. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz