Bakı/03.05.17/Turan: Bakı Lift İdarəsinin baş direktoru Qüdrət Şükürov tutduğu vəzifədən azad edilib, bu barədə yerli mətbuat məlumat yayıb.
Məlumatlarda Şükürovun qızının təmtəraqlı toyunun Vergilər Nazirliyi, Hesablama Palatası və Prokurorluğun Korrupsiyaya qarşı Mübarizə İdarəsi tərəfindən onun rəhbərlik etdiyi idarədə yoxlamalar aparılmasına səbəb olduğu deyilir.
Sosial şəbəkələrdə yayılan məlumatlara görə, guya toy 400 min dollara başa gəlib.
Amma Vergilər Nazirliyi Turan-ın yoxlama ilə bağlı sorğusuna şərh verməkdən imtina edib. Eyni zamanda, nazirlikdən yoxlama faktını təkzib etməyiblər.
Baş Prokurorluğun mətbuat xidmətinin rəhbəri Eldar Sultanov, öz növbəsində, Turan-a bildirib ki, Baş Prokurorluq yanında Korrupsiyaya qarşı Mübarizə İdarəsi Bakı Lift İdarəsində heç bir yoxlama həyata keçirməyib.
Bakı Lift İdarəsi özü də hələlik susur. -0-
Cəmiyyət
-
Milli Hidrometeorologiya Mərkəzinin sinoptikləri ardıcıl olaraq üç gündür paytaxtda və Abşeronda yağış yağacağını vəd edirlər, lakin bu yağış hələ də yağmır. Noyabrın 29-na da intensiv yağış proqnozlaşdırılıb.
-
Azərbaycanın Nazirlər Kabineti Yeni İldə iş və istirahət günlərinin yerinin dəyişdirilməsi haqqında qərar qəbul edib.
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
Rəy yaz