Masallı ziyalılarına təzyiqlər davam edir

Masallı rayon İcra Hakimiyyəti rayon Ziyalılar Birliyinə təzyiqlərlə bağlı bəyanat yayıb. Birlik üzvləri və rayonun bir qrup sakini dekabrın 6-da Prezident Administrasiyasında olaraq rayon rəhbərliyindən şikayət ediblər.    İcra başçısı Rafil Hüseynovun qanunsuz əməllərilə bağlı RATİ-də mətbuat konfransı keçiriblər. Bundan sonra rayona qayıdan birlik üzvlərinə və sakinlərə təzyiqlər artıb.  

Birliyin üzvü Vidadi Dadaşovla görüşən icra başçısının nümayəndələri “rayon ziyalıları və ictimaiyyət nümayəndələrinin  qara siyahısı”nın tərtib olunduğunu, bu siyahının dövlət başçısında olduğunu deyiblər. V.Dadaşova Birlikdən uzaqlaşmaq şərtilə adının “siyahı”dan çıxarılması təklif edilib. V.Dadaşov təklifdən imtina edib.

Rayon təhsil şöbəsinin müdiri Astan İbişovun vasitəsilə birliyin sədr müavini Ramil İbadullayevə, ağsaqqallardan Teymur Teymurova təzyiq və şantaj cəhdləri olub.

Birlik bu təzyiq, şantaj və həbs etmə cəhdlərinin arxasında şəxsən Rafil Hüseynovun durduğunu bildirirlər. Baş verə biləcək qanunsuz hərəkətlərə görə məsuliyyətin icra başçısının üzərində qalacağını qeyd edirlər. “Bu metodlarla bizləri haqq yolumuzdan döndərə bilməzlər”, - birlik təmsilçiləri mövqelərini ifadə edirlər.-05D-