Tərəflərin səyinə baxmayaraq, bu il “Şahdəniz”in əsas ixracatçıları (BP, SOCAR, Statoil və Total) Nabucco West konsorsiumunun üzvləri maliyyə sazişi imzalaya bilməyiblər. Hərçənd oktyabrın sonunda Bakıda Nabucco Pipeline Company təmsilçiləri jurnalistləri əmin edirdi ki, dekabrın I ongünlüyündə Azərbaycan tərəfi ilə saziş imzalanacaq. Bu isə layihənin inkişafına yeni impuls verəcək.
Nabucco West isə bəyanatlarına rəğmən, “Şahdəniz” layihəsinin əsas ixracatçılarını bu marşrutun cəlbediciliyinə inandırmaq üçün "bütün zəruri sənədləri detallı öyrənib hazırlaya" bilmədi.
Hazırda Nabucco West iştirakçıları əmindir ki, yeni ildən dəyişikliklər olacaq. Belə ki, Bolqarıstanın enerji holdinqinin başçısı Mixail Aldonov Financial saytına bildirib ki, 10 yanvar 2013-cü ildə Sofiyada Nabucco səhmdarlarının görüşü keçiriləcək. Bu görüşdə maliyyə sazişinin Azərbaycan tərəfinin arzusunu ifadə edən bir bəndi təsdiq edilə bilər. Bu bəndə əsasən, bu marşrut Azərbaycan qazının Avropaya nəqli üçün əsas kimi seçilsə, boru kəməri konsorsiumunun səhmlərinin 50%-i “Şahdəniz”in əsas səhmdarlarına verilməlidir.
Bu gün Nabucco layihəsinin iştirakçıları bunlardır: OMV Gas GmbH (Avstriya), BOTAS (Türkiyə), Bulgargaz (Bolqarıstan), S.N.T.G.N. Transgaz S.A. (Rumıniya), MOL Natural Gas Transmission Company Ltd. (Macarıstan), RWE (Almaniya). --12В—
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz