Media icmalı- 05.09.2023

Ölkədə Qubad İbadoğlunun qohumlarının ölkədən çıxışı, Paşinyanın dəstək məktubu, ötən ay zəhərlənmələrlə bağlı edilən müraciətlər, avtobuslarda gecikmələr, AİHM Qubad İbadoğlu ilə bağlı verdiyi qərar bu gün (05.09.2023) üçün əsas müzakirə olunan mövzulardan olub.

BBC Azərbaycanca saytında yayımlanan “Qubad İbadoğlunun "qohumlarının ölkədən çıxışına qadağa qoyulduğu" deyilir” sərlövhəli yazıda Qubad İbadoğlunun ailə üzvlərinin ölkədən çıxarkən üzləşdiklri çətinlikdən danışılıb. Müəllif bu haqda onun qardaşı Qalib İbadoğlu ilə danışıb.

“Kiçik qardaşım işi ilə əlaqədar ölkədən çıxmaq istəyəndə, Dövlət Sərhəd Xidmətinin əməkdaşları tərəfindən saxlanılıb. Bildiriblər ki, Daxili İşlər Nazirliyi tərəfindən onun ölkədən çıxışına qadağa qoyulub”. – Qalib İbadoğlu

Müəllif qeyd edib ki,  Qubad İbadoğunun qardaşı - deputat Vüqar Bayramovdan başqa, “digər qardaşların hamısının ölkədən çıxışına qadağa qoyulduğu qənaətindədir”. Müəllifin sözlərinə görə ailə üzvləri 4-5 gün əvvəl DİN-ə bununla bağlı sorğu göndəriblər. Amma hələ də buna cavab ala bilmyiblər.

525-ci qəzet saytında yayımlanan “Separatçılara açıq dəstək məktubu - Paşinyanın riyakarlığı” sərlövhəli məqalədə Paşinyanın təbrik məktubu haqqında yazılıb. Müəllifin sözlərinə görə Paşinyanın 2 sentyabrda "Dağlıq Qarabağın müstəqillik bəyannaməsi"nin ildönümü ilə əlaqədar "təbrik" müraciətində Azərbaycana qarşı ərazi iddiası ifadə olunur, separatçılıq açıq şəkildə təşviq edilir. Müəllifin sözlərinə görə paşinyan hazırda bir-birinə ziddiyyətli olan fikirlər bildirib. Belə ki, Əliyev və Paşinyanın görüşdə Azərbaycanın 86,6 min kv.km və Ermənistanın 29,8 min kv.km-lik ərazi bütövlüyünə sadiqliyini təsdiq edib. Mişelin bəyanatından aydın olurdu ki, Ermənistan və onun lideri Paşinyan Qarabağın Azərbaycan ərazisi olduğunu Avropa İttifaqı platformasında bir daha təsdiqləyir. Çünki Azərbaycan ərazisinin keçmiş SSRİ vaxtında 86.6 min kv.km olduğu bütün dünyaya məlumdur və keçmiş Dağlıq Qarabağ Muxtar Vilayəti də bu əraziyə daxildir.

“Ötən ay KTM-ə zəhərlənmə ilə bağlı 703 nəfər müraciət edib” sərlövhəli yazıda zəhərlənmə ilə bağlı göstəricilər və səbəbləri qeyd olunub. Müəllifin sözlərinə görə zəhərlənmı ilə bağlı müraciət edən 162 nəfər Toksikologiya şöbəsinə qəbul edilib, digərlərinə isə ilkin tibbi yardım göstərilərək evə buraxılıb. Xəstələrdən 83-ü dərmandan, 37-si sirkə turşusundan, 17-si etanoldan, 2-si dəm qazından 1-i anaflaksiyadan zəhərlənib. Digərlərindən 4-ü allergik reaksiyadan, 1-i isə botulizm səbəbindən xəstəxanaya yerləşdirilib. Müəllif vurğulayıb ki, xəstələrdən 7-si dünyasını dəyişib. Onlardan 6-sı kişi, 1-i qadın olub.

Trend.az saytında yayımlanan “Bu avtobusların hərəkət intervalında gecikmələr var – SİYAHI” sərlövhəli yazıda gecikmələrin baş verdiyi avtobus xəttləri qeyd olunub. Müəllifin sözlərinə görə 20 Yanvar dairəsi - Moskva prospekti - Bakı Beynəlxalq Avtovağzal Kompleksi - Bakı-Sumqayıt şosesi Sumqayıt şəhəri istiqamətində, Tbilisi prospekti – Hər iki istiqamətdə, Üçüncü mikrorayon dairəsi istiqamətində - Ceyhun Səlimov küçəsi, Rövşən Cəfərov küçəsi, Cavadxan küçəsi, Asif Məhərrəmov küçələrində, Binəqədi şosesi – Binəqədi istiqamətində, Heydər Əliyev prospekti - Şəhər istiqamətində kənar yol, eyni zamanda, Şəfa stadionundan başlayaraq Koroğlu metrostansiyası istiqamətində  və şəhərin digər hissələrində sıxlığa görə gecikmələr baş verib.

Anews.az saytında yayımlanan “AİHM Qubad İbadoğlunun işinə dərhal baxılması haqda qərar verib” sərlövhəli yazıda Qubad İbadoğlunun işi ilə bağlı məlumat verilib. Müəllifin sözlərinə görə vropa İnsan Haqları Məhkəməsi  39-cu qaydanı əsas tutaraq 45 gündür həbsdə olan Azərbaycan Demokratiya və Rifah Hərəkatının sədri Qubad İbadoğlunun işinə dərhal baxılması haqda qərar verib və Azərbaycan hökumətinə suallar göndərib.