Media icmalı- 06.09.2023

Ölkədə Laçın dəhlizi ilə bağlı müzakirə, Xaçatryanın ailəsinə müraciət, quru sərhəddin avtomobil yolu ilə olan hissəsinin ödənişli olması, qəzalı vəziyyətdə olan məktəblər, b ioloji materialın götürülməsi qaydası bu gün (06.09.2023) üçün əsas müzakirə olunan mövzulardan olub.

BBC Azərbaycanca saytında yayımlanan “BBC-nin The Context verilişində "Laçın dəhlizi" ilə bağlı vəziyyət müzakirə edilib” sərlövhəli yazıda verlişdə gedən müzakirələr haqqında yazılıb. Müəllifin sözlərinə görə verlişdə müzakirə edənlər britaniyalı hüquqşünas və azərbaycanlı jurnalist olub. Onlar əsasən Rusiya sülhməramlı qüvvələrinin nəzarətində olan ərazilərə ərzaq çatdırılması, “blokada və soyqırım iddialarını” müzakirə edibblər. Verlişdə  Luis Moreno Ocampo-nun 7 avqust tarixli “soyqırım iddiaları” ilə bağlı mülahizələri sorğulanıb. Müəllifin sözlərinə görə Orxan Amaşov deyib ki, Azərbaycan Rusiya sülhməramlı qüvvələrinin nəzarətində olan ərazilərə çatdırılması üçün 40 ton un göndərib. Orxan Amaşov deyib ki, bu problemi həll etmək üçün Azərbaycan Ağdam-Xankəndi yolunu təklif edir.

Jamnews.az saytında yayımlanan “Azərbaycan ordusunun zabiti Vaqif Xaçatryanın ailəsinə müraciət edib” sərlövhəli yazıda azay Kərimovla Vaqif Xaçatryanın görüşü haqqında məlumat verilib.  Müəllif Azay Kərimovun Xaçatryan haqqında yazdığı statusdan hissələri qeyd edib. Müəllif Vaqif Xaçatryanın bu günə qədər törətdiyi cinayət işlərinə diqqət çəkib. Müəllifin sözlərinə görə Vaqif 30 min azərbaycanlının Xankəndidən qovulmasında fəal iştirak edib. O, əvvəllər Xankəndində cinayət axtarış şöbəsinin rəisi işləmiş Qarikin dəstəsində olub. Xaçatryan 1992-ci ilin fevralında Xocalı qətliamında da fəal iştirak edib.

“Mən burdan Vaqifin qizi, Lacinda məktəb direktoru olmuş Veraya, hazırda Xankəndidə polis zabiti olan Veranin ərinə səslənirəm. Vaqifə yaxşı baxırlar, qidalanmağı yüksək səviyyədə, üstündə daim həkim nəzarəti var”. – Azay Kərimov

525-ci qəzet saytında yayımlanan “Bakı-Quba-Rusiya Federasiyası ilə dövlət sərhədi avtomobil yolunun 129 kilometrlik hissəsi ödənişli yol olacaq” sərlövhəli yazıda Bakı-Quba-Rusiya Federasiyası ilə dövlət sərhədi avtomobil yolunun ödənişi ilə bağlı məlumat verilib. Müəllifin sözlərinə görə tikilən yeni avtomobil yolunun 129 kilometrlik hissəsinin ödənişli yol kimi müəyyən edilməsinə dair tədbirlər haqqında qərar verilib. Yazıda yolun ödənişli hissələri haqqında detallı məlumat verir.

“Avtomobil yolunun ödənişli hissəsinin başlanğıc və son nöqtələri:

- başlanğıc nöqtəsi - M-1 Bakı-Quba-Rusiya Federasiyası ilə dövlət sərhədi avtomobil yolunun 52-ci kilometri;

- son nöqtəsi - M-1 Bakı-Quba-Rusiya Federasiyası ilə dövlət sərhədi avtomobil yolunun R-5 Qusar-Xudat avtomobil yolu ilə kəsişməsi.

Ödənişli avtomobil yolunun uzunluğu - 129 kilometr.

Ödənişli avtomobil yolunun başqa avtomobil yolları ilə kəsişmələri və birləşmələri:

- M-1 Bakı-Quba-Rusiya Federasiyası ilə dövlət sərhədi avtomobil yolunun 75-ci kilometri - Giləzi qəsəbəsi;

- M-1 Bakı-Quba-Rusiya Federasiyası ilə dövlət sərhədi avtomobil yolunun 105-ci kilometri - Siyəzən rayonu;

- R-1 Gəndob-Xaçmaz-Yalama-Rusiya Federasiyası ilə dövlət sərhədi avtomobil yolunun 1-ci kilometri - Gəndob qəsəbəsi;

- R-4 Quba-Xaçmaz avtomobil yolunun 19-cu kilometri - Xaçmaz rayonu;

- R-5 Qusar-Xudat yolunun 22-ci kilometri - Xaçmaz rayonu”.

Anews.az saytında yayımlanan “Azərbaycanda qəzalı vəziyyətdə olan məktəblərin sayı açıqlanıb” sərlövhəli yazıda qəzalı məktəblər haqqında məlumat verilib. Müəllifin sözlərinə görə son 3 ildə Azərbaycanda qəzalı məktəblərin sayı 30% aşağı düşərək 654  məktəb qədər azaldılıb. Müəllif əlavə olaraq qeyd edib ki, 2023-24-cü tədrisilində  məktəblərdə 1,6 milyon şagirdin təhsil alacağı gözlənilir. Əlavə olaraq qeyd olunub ki, 24 dərslik təkmilləşdirilib, 37 yeni dərslik hazırlanıb. Ümumilikdə 318 dərslik çap olunub. 

Sosial media

AzadlıqRadiosu

Səttar Möhbalıyevin adı milyonluq dələduzluqla bağlı cinayət işində hallanır – Yazıda vəkil Aslan İsmayılovun fikirləri qeyd olunub. Müəllifin sözlərinə görə söhbət “İnşaatçılar” stansiyasının yaxınlığında yerləşən “Məhsul” stadionunun ərazisini satmaq adıyla tikinti şirkətlərinin rəhbərlərinin aldadılmasından gedir. Buna görə dəfələrlə deputatın dindirilməsi tələb olunub. Müəllif qeyd edib ki, zərərçəkmişlərin nümayəndəsi və vəkili Aslan İsmayılov da deyir ki, Möhbalıyev dindirilmədən bu iş üzrə obyektiv, ədalətli hökm çıxarıla bilməz.

Azərbaycanda, az qala, hər altı yanğından biri qəsdən törədilir- Tazıda ölkədə baş verən yanğınların səbəbləri haqqında danışılıb. Müəllifin sözlərinə görə ötən il Azərbaycanda 2 min 95 yanğın qeydə alınıb. Həmin yanğınlarda 51 nəfər həlak olub və 2021-ci illə müqayisədə həyatını itirənlərin sayı 34 faiz çoxalıb. Yanğınlar ötən il 577 tikilini məhv etməklə toplam 20.8 milyon manatlıq ziyan vurub. Müəllif qeyd edib ki, yanğınların çoxu yaşayış binalarında baş verib.

MeydanTV

Fransada Müsəlman qadınlara əba ilə məktəbə gəlmək yasaqlanıb- Yazıda Fransada müsəlman qadınlara qarşı qoyulan tələb haqqında yazılıb. Müəllifin sözlərinə görə məktəbə əba ilə gələn yaşı 15 və daha yuxarı olan 298 qız dərsə buraxılmayıb. Qadağa haqqında xatırlatma ediləndən sonra şagirdlərin çoxu geyimlərini dəyişərək təhsillərini davam etmək qərarına gəliblər. 67 qız isə qoyulan tələbə tabe olmadıqları üçün evlərinə göndəriliblər.