Media icmalı – 07.09.2023

Ölkədə Hikmət Hacıyevin sülhlə bağlı fikirləri, İstanbulda yaşayan azərbaycanlılara edilən müraciət, Türkiyədən geyim idxalı, qeyri-neft ixracı, Ermənilərin rus şirkətləri ilə bağlı tələbi bu gün (07.09.2023) üçün əsas müzakirə olunan mövzulardan olub.

5250-ci qəzet saytında yayımlanan ““Ermənistan Azərbaycanla sülhün bərqərar olmaması üçün əlindən gələni edir” - Hikmət Hacıyev” sərlövhəli yazıda  Hikmət Hacıyevin sülhlə bağlı verdiyi açıqlama haqqında yazılıb.  Müəllifin sözlərinə görə H. Hacıyev Azərbaycanın Ermənistana sülh müqaviləsi izalamağı təklif etdiyini vurğulayıb.

“Təəssüf, Ermənistan tərəfinin addımlarından görünən odur ki, o, Azərbaycanla sülhün bərqərar olmaması üçün əlindən gələni edir. Amma biz sülhə nail olmaq imkanının itirilməsinə yol vermək istəmirik”. – Hikmət Hacıyev

“Dövlət Komitəsi İstanbulda yaşayan Azərbaycan vətəndaşlarına müraciət edib” sərlövhəli yazıda İstanbul şəhərində qeyri-qanuni yaşayan vətəndaşlarla görüş keçiriləcək. Müəllifin sözlərinə görə qəbul zamanı pasport, vətəndaşlıq vəziyyəti aktlarının qeydi ilə bağlı şəhadətnamələrin (doğum haqqında şəhadətnamə, nikah haqqında şəhadətnamə və s.) verilməsi və digər konsulluq əməliyyatlarının həyata keçirilməsi nəzərdə tutulur. Bunun üçün isə vətəndaşlar gedərkən özləri ilə bəi sənədləri aparmalıdır. Müəllif qeyd edib ki, görüş sentyabrın 23-dək oktyabrın 3-dək Azərbaycanın İstanbul şəhərindəki Baş Konsulluğunun binasında baş tutacaq.

Trend.az saytında yayımlanan “Azərbaycanın Türkiyədən hazır geyim idxalı 50 milyon dollara çatıb” sərlövhəli yazıda  Türkiyədən idxal olunan paltarların statistikası haqqında məlumat verilib. Müəllifin sözlərinə görə 2023-cü ilin yanvar-avqust aylarında Azərbaycana hazır geyim məhsulları ixracını ötən ilin eyni dövrü ilə müqayisədə 22,5 faiz artıraraq, 49,9 milyon dollara çatdırıb.Müəllif vurğulayıb ki,  avqust ayında Türkiyə Azərbaycana hazır geyim məhsulları ixracatını 2022-ci ilin eyni ayı ilə müqayisədə 13,7 faiz azaldaraq, 5,9 milyon dollara çatdırıb. Əlavə olaraq qeyd olunub ki, 12 ay ərzində (avqust 2022-avqust 2023) Türkiyə 20,2 milyard dollar məbləğində hazır geyim məhsulları ixrac edib.

Anews.az saytında yayımlanan “Azərbaycanın qeyri-neft ixracı artıb” sərlövhəli yazıda neftdən başqa digər sahələrdə olan ixraclar haqqında yazılıb. Müəllifin sözlərinə görə 2023-cü ilin səkkiz ayında ölkədə ümumi ixracının dəyəri 24,4 milyard ABŞ dolları, qeyri-neft ixracının dəyəri isə 2,2 milyard ABŞ dolları təşkil edib, bu da ötən ilin eyni dövrü ilə müqayisədə qeyri-neft sektoru üzrə 14,6 % çoxdur.Əlavə olaraq qeyd olunub ki, elektrik enerjisi ixracı 3,9 dəfə, spirtli və spirtsiz içkilərin ixracı 3,8 dəfə, qara metal məmulatlarının ixracı 36,6 %, şəkər ixracı 17,9 %, meyvə-tərəvəz ixracı isə 7,4 % artıb.

“Statistika komitəsinin məlumatına görə, kimya sənayesi məhsullarının ixracı 11,3 faiz, spirtli və spirtsiz içkilərin ixracı 11,1, şəkər ixracı 2,5, çay ixracı isə 2,3 dəfə artıb”.

Bizim yol saytında yayımlanan “Ermənilər rus şirkətinin Ermənistandakı fəaliyyətini qadağan etməyi tələb edirlər” sərlövhəli yazıda ermənilərin tələbləri haqqında qeydlər olunub. Müəllifin sözlərin görə erməni sahibkarlar "Wildberries" onlayn ticarət şirkətinin fəaliyyətinə etiraz ediblər. Müəllif qeyd edib ki, etirazçılar vurğilayıb ki,  onlayn ticarət platforması sayəsində onların dövriyyəsi nəzərəçarpacaq dərəcədə “azalıb” ki, bu, yeni dərs ilinin başlanması ilə daha aydın şəkildə özünü büruzə verib. Etirazçılar hesab edir ki, "Wildberries" vasitəsilə kütləvi sifarişlər səbəbindən təsərrüfat subyektləri məhv olmaq ərəfəsindir.