![Açiq mənbələrdən foto.](https://turan.az/resized/750/500/resize/media/2023/main/082100065626.webp)
Açiq mənbələrdən foto.
Ölkədə Bakıda ağacların kəsilməsi, Qubad İbadoğlunun apelyasiya məhkəməsi, Ermənistan terror təşkilatları, ölkədə benzin istehsalının artması bu gün (21.08.2023) üçün əsas müzakirə olunan mövzulardır.
Anews.az saytında yayımlanan “Bakıda ağacların kəsilməsi nəticəsində təbiətə 85 min manatdan artıq ziyan vurulub” sərlövhəli yazıda kəsilən ağaclar haqqında yazılıb. Müəllifin sözlərinə görə qanunsuz kəsilən müxtəlif növ ağaclar Nəsimi rayonunun Mirəsədulla Mirqasımov, Xan Şuşinski və digər küçələrinin kəsişməsində, Binəqədi rayonunun 7-ci mikrorayon, S.S.Axundov küçəsində, Nərimanov rayonunun Fətəli xan Xoyski küçəsində, Xətai rayonunun Məhəmməd Hadi və İlqar Zülfüqarov küçələrindən kəsilib. Müəllif vurğulayıb ki, Aşkar edilmiş faktlarla bağlı Cinayət Məcəlləsinin 259.1, 259.2.3 və 259.2.4-cü (qulluq mövqeyindən istifadə etməklə, xeyli və külli miqdarda ziyan vurmaqla qanunsuz ağac kəsmə) maddələrilə cinayət işləri başlanaraq istintaqın aparılması üçün aidiyyəti üzrə daxili işlər orqanlarına göndərilib.
“Qubad İbadoğlunun vəsatəti təmin olunmayıb” sərlövhəli yazıda Qubad İbadoğlunun məhkəmə müraciətinin geri çevrilməsi haqqında yazılıb. Müəllif vurğulayıb ki, Bakı Apellyasiya Məhkəməsi 2023-cü il avqustun 21-də Azərbaycan Demokratiya və Rifah Partiyasının sədri Qubad İbadoğlunun son 2 ildə olmadığı ofisdə aparılan axtarışın qanunsuz olması barədə vəsatəti təmin edilməyib. Müəllif qeyd edib ki, Qubad İbadoğlu barəsində Cinayət Məcəlləsinin 204.3.1 (saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) maddəsi ilə ittiham verilib və təqsirləndirilən şəxs qismində məsuliyyətə cəlb edilib.
525-ci qəzet saytında yayımlanan “Ermənistan terror təşkilatları Azərbaycanla yanaşı dünyanın 22 ölkəsində terror aktı törədib” sərlövhəli yazıda Ermənistan terror təşkilatları haqqında yazılıb. Müəllifin sözlərinə görə ASALA dünyanın 22 ölkəsində 235-dən çox terror aktı törədib. Müəllif Ermənistanın keçmişdə törətdiyi hadisələri də yazıda vurğulayıb. “Ermənistanın işğalı zamanı dinc əhaliyə qarşı terror aktları ilə yanaşı, soyqırımlar, insanlığa qarşı cinayətlər törədilib. Bir gecədə 613 azərbaycanlının qətlə yetirildiyi Xocalı Soyqırımı bu cinayətlərin bariz nümunələrindən biridir”.
Sosial media
Bələdiyyələriiş görməməkdə ittiham edən deputatlar: Sakinlər onları tanımır- Deputatların bələdiyyələrlə bağlı şikayətləri qeyd olunub. Materialda Fazil Mustafa,Tahir Rzayev, Etibar Əliyev və bir neçə deputatın ifadələri qeyd olunub. Müəllif qeyd edir bələdiyyələrin işləri daima müzakirə və tənqid mövzusu olub.
Yenə də Bakı yollarında tıxacların artması insanların ən çox müzakirə etdiyi mövzudur. Tıxacların səbəbləri müxtəlifdir. Bu gün bu barədə danşırıq.- Video materialda Bakıda olan tıxacların səbəbləri və nəqliyyat sistemində olan boşluqlar haqqında danışılıb. Müəllif qeyd edib ki, şəhərin infrastrukturu təxminən 2 milyon əhali üçün nəzərdə tutulub amma hazırda Abşeron yarımadasında 4 milyondan çox əhali var.
Cəmiyyət
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
-
Yeni xidmət şirkətlərə korporativ cihazları vahid həll vasitəsilə effektiv şəkildə idarə etmək imkanı verir İnnovativ məhsulları ilə müştərilərinin kibertəhlükəsizlik imkanlarını gücləndirməyi hədəfləyən Azercell Biznes “Mobil Cihazların İdarə Edilməsi” həllini istifadəyə verir. İş tapşırıqlarının məsafədən yerinə yetirilməsi məqsədi ilə əməkdaşlarını smartfon, planşet, əl terminalları və s. mobil cihazlarla təmin edən şirkətlər bu yenilikdən faydalana biləcək.
-
Azərbaycanda sentyabrın 1-də keçiriləcək növbədənkənar parlament seçkiləri ilə bağlı 950-ə yaxın müşahidəçi qeydə alınıb. Bunu iyulun 24-də Mərkəzi Seçki Komissiyasının (MSK) sədri Məzahir Pənahov deyib: "İyulun sonunda Avropada Təhlükəsizlik və Əməkdaşlıq Təşkilatının (ATƏT) uzunmüddətli müşahidəçiləri da Azərbaycana gələcək".
-
Hərbi prokurorluq Naxçıvanda yerləşən hərbi hissələrdən birinin komandiri olan Samir Həziyevi həbs edib.
Rəy yaz