Media icmalı – 26.08.23

Ölkədə Emin Həsənlinin Qarabağla bağlı fikirləri, yanğına olan çıxışlar,  Qurani-Kərimin yandırılmasının Avropada qadağan olunması,  kartof yığımının azalması,  Qubad İbadoğluna yeni hökmün oxunması bu gün (26.08.23) üçün əsas gündəm mövzulardan olub.

Trend.az saytında yayımlanan “Danimarka “Qurani-Kərim”in yandırılmasını qadağan edir” sərlövhəli yazıda Danimarkada qanunvericilikdə baş verən dəyişiklik haqqında yazılıb. Müəllif qeyd edib ki, Danimarka qanunvericilik səviyyəsində “Qurani-Kərim”in yandırılmasını qadağan edib.

“Qanun layihəsi dini icma üçün mühüm dini əhəmiyyət kəsb edən obyektlərlə pis rəftar etməyi qadağan edir”, - deyə Peter Hummelqaard jurnalistlərə bildirib.

Müllif qeyd edib ki, Danimarka belə tədbirləri son aylarda baş vermiş çoxsaylı hadisələrlə əlaqədar olaraq görmək məcburiyyətində qalıb, həmin vaxt bu ölkədə və İsveçdə insanlar ictimai yerlərdə “Qurani-Kərim”in nüsxələrini yandırır və ya təhqir edirdilər. Bu hərəkətlər Şimali Avropa ölkələrindən bu cür aksiyaları qadağan etməyi tələb edən bir neçə müsəlman ölkəsində hiddətə səbəb olub.

“Ölkədə kartof yığımı azalıb” sərlövhəli yazıda kartof yığımı haqqında yazılıb. Müəllifin sözlərinə görə 2023-cü ilin yanvar-iyul aylarında Azərbaycanda 32 min 665 hektar sahədən 664 min 921.7 ton kartof yığılıb. Müəllif vurğulayıb ki, bu göstəricinin həcmi ötən ilin müvafiq dövrü ilə müqayisədə 1.8% və ya 12 min ton azdır. 2022-ci ilin yanvar-iyul aylarında 34 min 762 hektar sahədən 676 min 984 ton məhsul yığılıb.

BBC Azərbaycan saytında yayımlanan “Qubad İbadoğluna qarşı yeni ittiham irəli sürülüb” sərlövhəli yazıda Qubad İbadoğluya oxunan yeni höküm haqqında danışılıb. Müəllif vurğulayıb ki,   Cinayət Məcəlləsinin dini ekstremist materialları hazırlama, saxlama və ya yayma maddəsi ilə təqsirləndirilir. Müəllifin sözlərinə görə cümə günü iqtisadçı Qubad İbadoğluna qarşı əlavə ittiham irəli sürülüb. Bu haqda Qalib Bayramov danışıb.

"Qubad bəy yeni ittihamla bağlı ifadə verməkdən imtina edib, heç bir sənədi imzalamayıb".

Əlavə olaraq yazıda Həbsdə olan iqtisadçı "Qubad İbadoğlunun işi" ilə bağlı daha bir azərbaycanlı alim Fazil Qasımov həbs olunması ilə bağlı da məlumat qeyd olunub. Müəllifin sözlərinə görə o,  Türkiyədə saxlanılaraq Azərbaycana gətirilib.

525-ci qəzet saytında yayımlanan “Türkiyəyə səyahət edən Azərbaycan vətəndaşlarının sayı 6 % artıb” sərlövhəli yazıda Türkiyəyə səyahətin artmasının səbəbləri haqqında danışılıb. Müəllifin sözlərinə görə Bu ilin yanvar-iyul aylarında 436 min 335 nəfər Azərbaycan vətəndaşı Türkiyəyə səyahət edib. Bu göstərici isə ötən ilin eyni dövrünə nisbətən 23 min 839 nəfər və yaxud 5,7 % çoxdur. Əlavə olaraq qeyd olunub ki, təkcə iyulda isə Türkiyəyə 108 min 322 nəfər Azərbaycan vətəndaşı səyahət edib.