Media icmalı- 27.07.23

Ölkədə Qubad İbadoğlunun həbsi, bankların hərracda ABŞ dolları satın alması, Erməni sakinlərinin Ermənistana keçməsi bu gün(27.07.2023) mediada əsas müzakirə olunan mövzulardan olub.

BBC Azərbaycan saytında “Qubad İbadoğlunun həbsi: ABŞ və Avropa dövlətləri Azərbaycan hakimiyyətinə çağırış ediblər” sərlövhəli məqalədə ABŞ və digər Avropa ölkələrinin Qubad İbadoğlunun həbsi barədə çağırışından danışılıb. Müəllif qeyd edir ki, ABŞ, Böyük Britaniya, Fransa və Almaniyanın Azərbaycandakı səfirlikləri yaydıqları birgə bəyanatda rəsmi Bakını Qubad İbadoğlunun hüquqlarına hörmət etməyə çağırıblar.

“Avropa İttifaqının xarici işlər və təhlükəsizlik məsələləri üzrə sözçüsü Nabila Massrali də Twitter hesabında Azərbaycan Demokratiya və Rifah Partiyasının sədri Qubad İbadoğlunun dərhal azadlığa buraxılmasını istəyib”. Yazıda Qubad İbadoğlunun həbsi və onun evində gedən axtarışlar barədə geniş məlumat verilib.

“Anews.az” saytında “Azərbaycan bankları hərracda 32,5 milyon ABŞ dolları satın alıblar” sərlövhəli məqalədə Azərbaycan Mərkəzi Bankı cümə axşamı valyuta hərracında banklara 32,5 milyon ABŞ dollar satdığı qeyd olunub. Yzıda ötən illə bugünki vəziyyət müqayisə olunub. Müəllif qeyd edir ki, bu ilin yanvar-mayında Azərbaycan Mərkəzi Bankının (AMB) Dövlət Neft Fondu (ARDNF) ilə birlikdə keçirdiyi valyuta hərraclarında 1 milyard 492,3 milyon ABŞ dolları məbləğində satış olub. Bu, ötən ilin eyni dövrü ilə müqayisədə 39,4% azdır.

“525-ci qəzet” saytında “Qarabağın tibbi ehtiyacları olan erməni sakinləri Laçın sərhəd-buraxılış məntəqəsindən Ermənistana keçiblər” sərlövhəli məqalədə erməni sakinlərinin Ermənistana keçməsi haqqında məlumat verilib. Müəllif qeyd edir ki, Xankəndidən Gorus İstiqamətində hərəkət edən 7 nəqliyyat vasitəsi və 34 şəxsin buraxılış məntəqəsində qaydalara uyğun olaraq yoxlanıldıqdan sonra Ermənistana keçidi təmin edilib.

“Bu, bir daha onu göstərir ki, dövlət sərhədindən buraxılış məntəqəsində Azərbaycan tərəfindən hər hansı maneə yoxdur”.

Sosial media

Azadlıqradiosu

Tərtər işi ilə bağlı açıqlama sərlövhəli video materialda Hikmət Həsənovun səsləndirdiyi və bu işlə bağlı zərərçəkən insanaların fikirləri qeyd olunub. Video materialda Tərtər işi ilə bağlı zərərçəkən insanların şikayətləri qeyd edib.  Zərərçəkən şəxslər onlara işgəncə verən yüksək rütbəli şəxslərin cəzalandırılmasını tələb ediblər. Müəllif qedi edir ki,Müdafiə Nazirliyindən isə bu məsələ ilə bağlı fikir bildirməyiblər.

Qubad İbadoğlunun evində axtarış: “Bandotdel” nə axtarıb? – Video materialda Qubad İbadoğlunun evinin axtarışdan sonrakı vəziyyəti göstərilib. İradə Bayramovadan axtarışla bağlı müsahibə alınıb. Müəllif qeyd edib ki, axtarış zamanı evdən köhnə komputerlerin prosessoru götürülüb. İradə Bayramova 6 ildi o mənzildə yaşamadığını qeyd edib.

MeydanTV

Şəmkirlilər nazirlik işçisini və keçmiş əsiri çaylarını mənimsəməkdə ittiham edirlər. – Bununla bağlı video material hazırlanıb . Materialda Şəmkirin əksər kəndlərində sakinlər susuzluqdan əziyyət çəkdiyi qeyd olunub. Müəllif qeyd edir ki, onlar nə içməyə, nə də əkinlərini suvarmağa su tapırlar. Görüntülərin Şəmkirin Təzəkənd kəndi olduğu deyilib.

“Ədliyyə Nazirliyi AĞ Partiyanın iyulun 4-də təqdim etdiyi üzvlüklə bağlı müraciətinə dünən cavab verib.- Yazıda qeyd olunub ki, “Siyasi partiyalar haqqında” yeni qanuna əsasən AĞ Partiya Ədliyyə Nazirliyinə 10001 nəfər barədə məlumat təqdim etmişdi” – Tural Abbaslı

Yazıda onların mənfi cavab aldıqları qeyd olunub.

Səhiyyə Nazirliyinin qarşısında etiraz edən vətəndaşn - Bununla bağlı video material hazırlanıb. Video materialda vətəndaş Faba Nuriyevin etirazı göstərilib. Vətəndaş əlillik dərəcəsinin düzgün verilməməsindən şikayət edib.