Media icmalı – 28.08.2023

Ölkədə Talassemiya xəstələrinin sayı, kalassik avtomobillərin yürüşü, Azparkinq mobil tətbiqi, İrandan Azərbaycana olan ixrac, Ermənilərin Qarabağı tərk etməsi, quru sərhədlərin bağlı olması bu gün (28.08.2023) üçün əsas gündəm mövzulardan olub.

Bizim yol saytında yayımlanan “Bakı-Quba-Rusiya yoluna "səpələmək" üçün krediti məmur alır, borcunu vətəndaş "canı ilə" ödəyir...” sərlövhəli yazıda quru sərhədlərin bağlı olmasının Azərbaycanın şimal bölgələrində yaşayanların həyatına təsiri haqqında yazılıb. Müəllifin sözlərinə görə Şimal camaatı sərhədi keçərək Dağıstandan ucuz ərzaq almağa alışmışdı. Ümumiyyətlə, Rusiyaya gedib-gəlmək imkanları həyat şəraitinə müsbət təsir göstərirdi. Üstəlik, Bakı-Yalama elektrik qatarı uzun müddətdir ki, fəaliyyətini dayandırıb. Müəllif Şimal bölgələrdən Bakıya gəlməyin də çətinliklərini vurğulayıb.

525-ci qəzet saytında yayımlanan “Azərbaycanda talassemiyalı xəstələrin sayı açıqlanıb” sərlövhəli yazıda hazırda olan Talassemiya xəstələrinin sayı və vəziyyəti haqqında məlumatlar qeyd olunub. Müəllif vurğulayıb ki, ötən illərə nisbətən yeni doğulan talassemiyalı xəstələrin sayında ciddi şəkildə azalma müşahidə olunub. Bu haqda müəllif Səhiyyə Nazirliyi Milli Hematologiya və Transfuziologiya Mərkəzinin həkim-hematoloqu Nərmin Verdiyeva ilə danışıb. Hazırda Milli Hematologiya və Transfuziologiya Mərkəzinin Mərkəzində rəsmi qeydiyyatda olan 3000-dən artıq hemoqlobinopatiyalı xəstə var. Nərmin Verdiyeva vurğulayıb ki, talassemiya genetik defekt nəticəsində yaranan və xroniki anemiya ilə xarakterizə olunan irsi qan xəstəliyidir.

Ekspert qeyd edib ki, xəstəliyin yeganə radikal müalicə metodu sümük iliyinin transplantasıyasıdır.  2014-cü ildən etibarən bu müalicə üsulu Milli Hematologiya və Transfuziologiya Mərkəzinin Talassemiya bölməsində Dövlət proqramı çərçivəsində həyata keçirilir. Bu günə qədər 150-dən artıq xəstə tam toxuma uyğunluğu olan donordan transplantasiya olunub.

“Klassik avtomobillərin yürüşü və konsert olub”  yazıda 27 avqustda baş tutatn klassik avtomobillərin yürüşü haqqında məlumat verilib. Müəllif sözlərinə görə Heydər Əliyev Mərkəzinin qarşısından start götürən klassik avtomobillər “Sea Breeze” istirahət mərkəzinədək yürüş ediblər. Yürüşə 1983-cü ilədək istehsal olunan nəqliyyat vasitələri qatılmışdı. Əvvəlcə klassik avtomobillər şəhərin mərkəzi küçələri ilə hərəkət ediblər. Müəllif qeyd edib ki, “Sea Breeze” istirahət mərkəzində müxtəlif yarışlar, konsert proqrmları keçirilib.

““Ən nizamlı sürücü” adını “Moskviç-412” markalı avtomobilin sürücüsü Təbriz Qorçiyev alıb. “Ən unikal avtomobil” nominasiyasına “Jaguar E-Type” avtomobilinin sahibi Graeme Alexander Taylor layiq görülüb. “Ən qədim avtomobil” nominasiyasında “Ford Model A” markalı avtomobilin sahibi Azad Kərimov qalib seçilib. “Məşhurların seçimi olan avtomobil” nominasiyasında qalib isə “Volvo” markalı avtomobilin sahibi Murad İsmayılov olub.

“Ən rəngarəng retro geyim” nominasiyasında birinci yerə Gülnar Hacızadə, ikinci yerə Könul Quliyeva layiq görülüblər. “Ən rəngarəng geyim və xüsusi qonaq” nominasiyasında isə Çin Xalq Respublikasının Azərbaycandakı səfiri Guo Min təltif olunub”.

"AzParking" mobil tətbiqini 70 min nəfər yükləyib" – AYNA  sərlövhəli yazıda parklanma üçün yaradılan yeni proqramın istifadəçiləri haqqında yazılıb. Müəllif vurğulayıb ki, "AzParking" mobil tətbiqini indiyə qədər 69 990 nəfər yükləyib. Əlavə olaraq qeyd olunub ki, yeniliyin tətbiq olunduğu 3 həftə ərzində (7-27 avqust) 2 816 nəfər balansın artırılması əməliyyatı həyata keçirib.

Trend.az saytında yayımlanan “Koronavirusun yeni ştammının yoluxuculuq qabiliyyəti yüksəkdir - ÜST nümayəndəsi” sərlövhəli yazıda Koronavirusun yeni yayılan ştammının təhlükəsi haqqında məlumatlar qeyd olunub.  Müəllif vurğulayıb ki, COVID-19-un yeni EG.5 ştammı dünyada geniş yayılsa, Azərbaycanda da yoluxma halları baş verəcək. Bu haqda məlumatı Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı deyib.

“İrandan ixrac 9,7% artıb - İqtisadiyyat Nazirliyi” sərlövhəli yazıda İrandan olan məhsulların ixracının artması ilə bağlı göstəricilər qeyd olunub. Belə ki ötən il ixracın dəyəri 53 milyard dollardan çox olub. 2023-cü il martın 21-də başa çatan ötən İran ilində İrandan ixracın həcmi 9,7% artıb.

“Ötən İran ili ərzində iqtisadi əlaqələr üzrə müxtəlif ölkələrə 149 nümayəndə heyəti göndərilib, 41 nümayəndə heyəti İrana dəvət olunub. Ticarət tərəfdaşı olan ölkələrlə müxtəlif formatlarda əməkdaşlığa dair 370 sənəd imzalanıb”.- İranın iqtisadiyyat və maliyyə naziri Ehsan Xanduzi

BBC Azərbaycan saytında yayımlanan “Ermənilər Qarabağı tərk etməyə davam edirlər” sərlövhəli yazıda Qarabağı tərk edən Ermənilərin sayı və prosses haqqında məlumat verilib. Müəllifin sözlərinə görə Azərbaycanın Laçın sərhəd-buraxılış məntəqəsindən 150-dən çox şəxs Ermənistana keçib. Ötən həftənin 5 günü ərzində sərhəd-buraxılış məntəqəsindən ümumilikdə 500-ə yaxın şəxs keçib.