Media icmalı – 30.08.2023

Ölkədə pensiyaçıların sayı, Qurban Qurbanovun yeni oyunla bağlı verdiyi açıqlama, Azərbaycanda olan işsizlik bu gün (30.08.2023) üçün əsas müzakirə olunan mövzulardan olub.

525-ci qəzet saytında yayımlanan “Pensiyaçıların sayı niyə azalıb?” sərlövhəli yazıda pensiya alan şəxslərin sayı ötən illə müqayisə olunub və Vüqar Bayramov bununla bağlı açıqlama verib. Müəllifin qeyd edib ki, 2023-cü il 1 iyul traixinə ölkədə 1 milyon 96 min nəfər pensiyaçı qeydiyyatda olub. Yəni, ölkə əhalisinin 10.8 faizi pensiyaçılardır. Müəllifin sözlərinə görə ötən ilin iyulun 1-i ilə müqayisədə qeydiyyatda olan pensiyaçıların sayı isə 5,4 faiz azalıb. Onların 64,1 faizi yaşa, 23,6 faizi əlilliyə, 12,3 faizi isə ailə başçısını itirməyə görə pensiya alır.

“Əlilliyə görə pensiya alanların sayı 16,4 faiz azalıb. Buna səbəb əlilliyin yenidən qiymətləndirilməsi zamanı imtinaların sayının əvvəlki dövrlər ilə müqayisədə artması və meyarların dəyişdirilməsidir. Bu kateqoriya üzrə azalmalar ümumi pensiyaçıların sayına birbaşa təsir göstərmişdir. Digər tərəfdən, ailə başçısını itirməyə görə pensiya alanların sayında da azalma qeydə alınıb: 9,7 faiz".- Vüqar Bayramov

“"Qrup mərhələsindən əvvəl son oyunumuzdur. İlk matçda qələbə qazansaq da, sabah ciddi olmalıyıq" sərlövhəli yazıda Qurban Qurbanovun mətbuat konfransında verdiyi açıqlama qeyd olunub.  Qurbanov Sloveniya klubunun risk edəcəyini vurğulayıb: "Hesab bizi aldatmamalıdır. Onlar sabah heç nədən çəkinməyəcəklər. Biz daha fəal və aqressiv olmalıyıq. "Olimpiya"nın istənilən rəqibə qalib gəlmək üçün potensialı var. Futbolçular rəqibin oyununu yaxşı bilirlər. Burada daha diqqətli davranmalıyıq". Müəllif qeyd edib ki, avqustun 31-də oynanılacaq "Qarabağ" - "Olimpiya" görüşü saat 20:00-da başlayacaq. İlk matçda Ağdam təmsilçisi qələbə qazanıb - 2:0.

Trend.az ““Gilan Holding” ləğv edildi” sərlövhəli yazıda Gilan Holdingin bağlanması ilə bağlı məlumat qeyd edib.  Müəllif qeyd edib ki, “Gilan Holding”in adının dəyişdirilməsi ilə yaradılmış “Xəzri Solutions” MMC ləğv olunduğunu elan edib.

Sosial media

AzadlıqRadiosu

Azərbaycanda unudulan kənd: "Hökumətin bizdən xəbəri yoxdur"- Video materialda Darlıq kəndində yaşayan insanların hazırki vəziyyəti ilə bağlı məlumat verilib. Kənd sakinləri bir çox problemin olduğunu vurğulayıb. Onların hazırda tibb məntəqələri, yol xəttləri, məktəbin və s. olmadığını bildiriblər.  Onlar uzun illərdir ki, bu şəraitdə yaşamağa məcbur olduqlarını vurğulayıblar.

Borclanmayla bağlı İlham Əliyevlə Maliyyə Nazirliyinin baxışları üst-üstə düşmür- Müəllifin sözlərinə görə avqustun 4-də prezident İlham Əliyev Azərbaycan Respublikasında dövlət borcunun idarə edilməsinə dair orta və uzun müddət üçün strategiyada (2022-2025) dəyişiklik haqqında sənədi təsdiqləmişdi. Müəllif qeyd edib ki, dəyişiklikdən öncə bu hədd 20 faiz idi. Bu dəyişiklik hökumətə dövlət borcu məbləğinin ÜDM-ə nisbətini 20 faizdən 30 faizədək artırmağa, başqa sözlə, ÜDM barədə proqnozlara uyğun olaraq, 50 faizədək daha çox borclanmağa imkan verəcək. Sözügedən strategiya 2018-ci ildə qəbul edilmişdi. Görünür, hökumət strategiya müddəti başa çatmadan borclanma limitini artırmağa ehtiyac duyub.

Meydan TV

Növbə məndədir? İnsan haqqlarını müdafiə etmək cinayət deyil – Müəllifin sözlərinə görə vəkil Zibeydə Sadıqova Azərbaycan Vəkillər Kollegiyasının sentyabrın 1-də keçiriləcək Rəyasət Heyəti iclasına dəvət edilib.  O qeyd edib ki, Kollegiyadan rəyin nə barədə olduğunu soruşub, mahiyyəti ilə tanış olmaq istədiyi deyib, ancaq ona məlumat verilməyib. Müəllif əlavə olaraq qeyd edib ki, Zibeydə Sadıqova daha çox ictimai-siyasi fəalların, tənqidçi jurnalistlərin hüquqlarını müdafiə edən vəkildir. Onunla eyni işi görən bir neçə vəkilin, o cümlədən həyat yoldaşı Elçin Sadıqovun da vəkillik fəaliyyəti dayandırılıb.