Media-monitorinq 01.02.16

Rəsmi qəzetlər dövlət başçısı İlham Əliyevin Yeni Ağdağ gips zavodunun açılışında iştirakına dair yazı və fotoları ilk səhifələrdə yerləşdiriblər. Bir də bu qəzetlər artıq ölkənin iqtisadi böhran durumundan çıxdığı barədə yazılar dərc edilər.

“Hökumət qəsdən manat qıtlığı yaradır”,  “Azadlıq” qəzeti belə yazır və bunu “maliyyə bazarında dollar oyunu adlandırır. Qəzet ona müraciət edən mənbələrə isnadən banklarda dolları manata çevirmək istəyən vətəndaşlara manat qıtlığını əsas gətrirərək milli valyuta verilmədiyini bildirir. Qəzetə görə, burada məqsəd dollar ajiotajını yatırmaq, artıq manatın möhkəmləndiyi barədə rəy yaratmaqdır.

015-ci ili dekabrın 4-də Xəzərin “Günəşli” yatağındakı faciədə həlak olan  Sahib Şahmarovun qardaşı Seymur Şahmarov dənizdən cəsədi tapılan şəxsin qardaşına bənzəmədiyini deyib. DNT analizləri görütüldüyündən nəticələr iki həftədən sonra bəlli olacaq.   

“Əhalinin banklarda dollarla qoyduğu əmanətlər devalvasiya səbəbilə bata bilər və buna görə günahkar Mərkəzi Bankdır”,- ekspert Nemət Əliyev bildirib.

Səməd Seyidovun AŞPA-dakı nümayəndə heyətinin rəhbərliyindən uzaqlaşdırılması məsələsinə toxunan deputat F.Mustafa bunun əsassız olduğunu deyib.  

“Yeni Müsavat” qəzeti narkotik maddə ittihamı ilə barəsində həbs qətimkan tədbiri seçilən Elvin Paşayevin bu gün şikayətinə baxılacağını yazır.

“Ehtiyac varsa prosesi qürur məsələsinə çevirmək yanlış olar”, - ekspert Rəşad Həsənov hakimiyyəti kreditlərə ehtiyac varsa bunu beynəlxlaq maliyyə qurumlarından götürməyi tövsiyə edir.

“Arxayın idilər ki, neft elə həmişə belə olacaq, Azərbaycana pullar gələcək, bunu istədikləri kimi xərcləyəcəklər”, - deputat Vahid Əhmədov yaranan indiki duruma görə hökuməti tənqid edib.

Ekspert Natiq Cəfərli hələ manatın öz təbii axarına düşmədiyini deyərək buna səbəb kimi hökumətin məzənnə tənzimlənməsi prosesinə inzibati müdaxiləsini göstərib.

Qazax rayonunda əsas problem işsizlikdir və elə bu səbəbdən də rayon mərkəzində çayxanalar insanlarla doludur deyə “İşsizlik, dolu çayxana, siqaret satan sürücülər” məqaləsində müəlliflər qeyd edirlər.