Bakı/15.08.18/Turan: Həmrəylik Naminə Komitə bu gün Azərbaycanın ictimai həyatının mühüm məsələlərinə həsr olunmuş onlayn konfrans keçirib.
Onlayn konfransın gündəliyində media-saytların son bloklanması məsələləri, ReAl hərəkatının lideri İlqar Məmmədovun azad edilməsi fonunda siyasi məhbuslar problemi, gənc fəal Orxan Baxışlının işi, habelə hüquqşünas Aslan İsmayılova təzyiq olub.
Tədbir Aslan İsmayılovun çıxışı ilə başlayıb. O, Apellyasiya Məhkəməsində növbəti məhkəmə iclasına tələsirdi. İsmayılov bildirib ki, ona qarşı müxtəlif vaxtlarda üç iddia üzrə məhkəmə təhqiqatı aparılır və onlar hamısı onun həbs edilməsi məqsədilə saxtalaşdırılıb. Canlı efirdə ədliyyə naziri Fikrət Məmmədovu, milli ankologiya mərkəzinin rəhbəri Cəmil Əliyevi, prezidentin köməkçisi Əli Həsənovu, habelə Baş Prokurorluğu onu onların ünvanına tənqidi çıxışlara görə azadlıqdan məhrum etmək cəhdlərində ittiham edib.
Saytların bloklanması faktları haqqında işlə bağlı Turan İnformasiya Agentliyinin direktoru Mehman Əliyev və digər KİV rəhbərləri çıxış ediblər.
Əliyev qeyd edib ki, Nəqliyyat, Rabitə və Yüksək Texnologiyalar Nazirliyinin saytların bloklanması haqqında qərarlarından əvvəl hakimiyyət uzun müddət iş aparıb. Son iki ildə qanunvericiliyə medianın işini dayandırmaq və azad informasiya məkanını bloklamaq imkanı verən dəyişikliklər edilib.
Son 10 gündə 5 media saytının bloklanması cəhdi olub, amma media ictimaiyyətinin, beynəlxaql strukturların, habelə hakimiyyətin yüksək eşelonlarında bəzi şəxslərin fəal qarşıdurması nəticəsində bu cəhd həyata keçirilməyib. Amma media rəhbərləri hesab edirlər ki, KİV-ə qarşı hücum bərpa olua bilər və buna görə onlar bloklanmalara yol verməmək üçün zəruri addımları atmağı zəruri hesab ediblər.
Onlayn konfransın iştirakçıları hakimiyyəti ictimaiyyətə narkotik istehsalında, daşınmasında və istifadəsində ittiham olunan gənc fəal Orxan Baxışlığının işi üzrə məhkəmənin hazırlıq iclasında iştirak imkanı verilməməsinə görə tənqid edib. Bu ittihamlarla siyasi məhbus hesab olunan çox insan həbs olunub. Baxışlının işi üzrə məhkəmə prosesinə böyük diqqət yetirməyə qərar verilib.
Komitə növbəti iclasda "Azərişıq" MMC-nin istehlakçıların elektrik enerjisindən istifadəyə görə əsassız hesablarla bağlı şikayətləri ilə əlaqədar şəffaflığı məsələsini, habelə digər məsələləri dinləmək niyyətindədirlər. -0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz