![Açiq mənbələrdən foto.](https://turan.az/resized/media/2022/main/050900044676-750-500-resize.webp)
Açiq mənbələrdən foto.
Medianın İnkişafı Agentliyi jurnalist Aytən Məmmədovaya hücumla bağlı məlumat əldə edib
Bakı/09.05.22/Turan: Medianın İnkişafı Agentliyinin jurnalist Aytən Məmmədovaya qarşı hücum haqqında məlumatı var.
Agentliyin məlumatına görə, bu gün agentliyin nümayəndələri Məmmədova ilə telefonla əlaqə saxlayıb, onun vəziyyəti barədə ətraflı məlumat əldə edib.
Medianın İnkişafı Agentliyi baş verən hadisəyə "həssaslıqla" yanaşır və məsələni diqqətdə saxlayır.
Qurumun məlumatında həmçinin xatırladılır ki, "Media haqqında" Qanunun 6-cı maddəsinə əsasən, jurnalistlərin peşəkar fəaliyyətinə qanunsuz müdaxilə, onların təqib edilməsi və onlara təzyiq göstərilməsi yolverilməzdir.
Medianın İnkişafı Agentliyi tərəfindən məsələ ilə bağlı Daxili İşlər Nazirliyi ilə operativ əlaqə saxlanılıb. Bildirilib ki, qeyd olunan hadisə Azərbaycan Respublikasının Daxili İşlər Nazirliyinin nəzarətindədir və hüquq-mühafizə orqanları tərəfindən müvafiq araşdırma aparıldıqdan, zəruri prosessual tədbirlər görüldükdən sonra hadisəyə hüquqi qiymətin verilməsi təmin ediləcək.
Öz növbəsində, Məmmədova özü bildirib ki, mayın 9-da səhər saatlarında Bakı Şəhər Baş Polis İdarəsinə dəvət olunub. İdarədə o, rəis müavini tərəfindən qəbul edilib. "Digər vəzifəli şəxslər də görüşdə iştirak etmişdi. Mənə bildirilib ki, işin araşdırılması istiqamətində müəyyən addımlar atılıb. Hazırda araşdırma davam edir", deyə Məmmədova Turan Agentliyinə bildirib.
O qeyd edib ki, səhər ekspertizaya getməli olsa da, BŞBPİ-də olduğuna görə hələlik ekspertiza keçirilməyib.
Məmmədova yaşadığı binanın liftində naməlum şəxsin hücumuna məruz qalıb. Naməlum şəxs bıçağı jurnalistin boğazına dirəyib, qızının ünvanına təhqir səsləndirib və Məmmədovaya artıq xəbərdarlıq edildiyini deyib.
Məmmədova 20 gün əvvəl telefonla təhdid edildiyini və Tovuz rayonunda azyaşlı qızın ölümü ilə bağlı iş üzrə məhkəmə prosesi haqqında nəşrləri dayandırmasının tələb olunduğunu bildirib. -16B06-
-
- Siyasət
- 9 May 2022 14:22
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz