Bakı/25.01.19/Turan: Azərbaycan Xalq Cümhuriyyətinin (1918-20-ci illər) banilərindən biri Məhəmməd Əmin Rəsulzadənin Novxanı qəsəbəsində anadan olduğu evdə yeni barelyef qoyulub.
Üzərində M.Rəsulzadənin təsviri olan barelyefdə yazılıb: "Azərbaycan Dövlət Cümhuriyyətinin rəhbəri, Milli Müsavat Partiyasının banisi Məhəmməd Əmin Rəsulzadə 1884-cü ildə bu evdə anadan olub".
Yeni memorialın qoyulmasına səbəb yanvarın 15-də əvvəlki bürünc barelyefin oğurlanmasıdır. Polis şübhəli bilinən iki nəfəri saxlayıb. Onlar barelyefi hissələrə bölərək metal qəbulu məntəqəsinə satıblar.
Ancaq yeni barelyefdə ilk respublikanın adı təhruf edilib. O, Azərbaycan Xalq Cümhuriyyəti adlanırdı.
Məhəmməd Əmin Rəsulzadə müsəlman Şərqində ilk cümhuriyyəti elan etmiş Milli Şuranın rəhbəri olub. -06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz