Məhkəmə ilahiyyatçını həbsdə saxladı

Bakı Apellyasiya Məhkəməsi Salyan rayonundan olan ilahiyyatçı Cavid Məmmədovun həbs qətimkan tədbirinin dəyişdirilməsi və sərbəst buraxılması haqqında şikayətini təmin etməyib. Bu barədə Turan-a Məmmədovun doğmaları bildirib.

Şikayətə qapalı rejimdə baxılıb. İlahiyyatçı oktyabrın 5-də Təhsil Nazirliyinin binası qarşısında keçirilən hicaba dəstək aksiyasının təşkilində əli olmaqda ittiham olunub, lakin qanunsuz silah saxlanılması haqqında ittiham irəli sürülüb.

İlahiyyatçı ittihamı təkzib edir və silah və döyüş sursatlarını onun üzərinə atıblar. O, həmçinin bildirib ki, heç vaxt siyasətlə məşğul olmayıb və 5 oktyabr aksiyası ilə heç bir əlaqəsi yoxdur. Belə ki, o, öz qızını belə məktəbə hicabsız göndərir və məhkəmədə bunu təsdiq edən arayış təqdim edib.

Məmmədov oktyabrın 17-də Nəsimi rayon polisi tərəfindən saxlanılıb və barəsində həbs qətimkan tədbiri seçilib.

Bir müddət əvvəl DİN bildirib ki, Məmmədovun Nəsimi rayonu ərazisində yerləşən mənzilindən tüfəng, güllə, müxtəlif valyutalarda böyük məbləğdə pul, habelə dini ədəbiyyat müsadirə edilib.

Qeyd edək ki, Məmmədov Salyan rayonunun sakinidir və nüfuzlu din xadimi hesab olunur. O, İranda və Suriyada təhsil alıb. -06B-