- Söz istəyirəm
- 5 Noyabr 2012, 17:05
- 99
İnsan hüquqlari təşkilatlari monitorinq qrupunun bəyanati
10 il bundan öncə yaradılmış Hüquqmüdafiə Təşkilatları Monitorinq Qrupu insan hüquqlarının müxtəlif aspektləri, o cümlədən siyasi məhbuslar probleminin həll edilməsi sahəsində apardığı fəaliyyəti ilə beynəlxalq aləmdə nüfuz və inam qazanmışdır. Bu nüfuzun göstəricisi kimi BMT, Avropa Şurası, Avropa İttifaqı, ATƏT kimi mötəbər beynəlxalq təşkilatlar ölkəmizə səfər edərkən bizimlə də görüşü öz proqramlarına daxil edirlər. Belə görüşlərdən biri bu il oktyabrın 31-də Avropa Şurası Baş Katibinin müavini xanım Qabriella Battaini-Draqoni və Avropa Şurasın siyasi məsələlər üzrə direktoratın başçısı Aleksandr Gessellə keçirilmişdir.
Qeyd edək ki, görüş ikitərəfli etimad və konfidensiallıq şərainində keçirilirdi. Kütləvi informasiya vasitələri görüşdə iştirak etmirdilər. Bu prinsipi emosiyalara, özünü reklama, yarımçıq və tendensioz informasiyalardan uzaq olan hüquqmüdafiçiliyin maraqları tələb edir.
Lakin görüşün iştirakçılarından biri, birinci söz alan Sülh və Demoktariya İnstitutunun rəhbəri Leyla Yunus digər iştirakçıların şözünü kəsərək onların çıxışlarına kobudcasına müdaxilə edirdi. Beləliklə də bizim qonaqlarla apardığımız korrek söhbət onun isterik qışqırtıları ilə müşahidə olunurdu. L.Yunusun özünüreklam məqsədilə verdiyi informasiyadan da aydın görünür ki, o, özünü cilovlamağı lazım bilmirdi: “Mən özümü saxlaya bilmədim...”, “Mən qışqırığa keçirəm...”, “Mən sadəçə qışqırıram...Mən müdaxilə edirəm...” və s. Təbii ki, yaranmış belə bir mühitdə sivil qaydada diskussiya aparmazlar.
Görüşdən sonra L.Yunus görüş haqqında “stenoqramma” adı altında yanlış, alayarımçıq informasiyanı kütləvi informasiya vasitələrinə yayaraq cəmiyyətdə çaxnaşma yaratmağa çalışıb. Lakin onun yaydığı məlumat “stenoqrammadan” çox onun 1992-93-cü illərdə Müdafiə Nazirliyində işlədiyi müddətdə üğürla məşğul olduğu senzuranın bəhrəsinə daha çox oxşayır. L.Yunusun yaydığı cəfəngiyatdan belə görünür ki, ğörüşdə bircə danışan o olub, qalan iştirakçılarsa L.Yunusun ünvanına qısa, mənasız replikalarla kifayətləniblər. Monitorinq Qrupunun üzvlərinin müxalifətin son aksiyası, polisin qanunsuz hərəkətləri barədə, qonaqlara təqdim edilən siyasi məhbus siyahısına, o cümlədən islamçılara dair verdikləri dəqiq məlumatlar haqqında L.Yunus danışmamağa üstünlük verir. Monitorinq Qrupunun həbsdə olan islamçılarla bağlı mövqeyi birmənalıdır: onlara işgəncələrə məruz qalıblarsa, ədalətsiz prosedurlarla üzləşiblərsə yeni, açıq və ədalətli məhkəmənin keçirilməsi vacibdir. Yeri gəlmişkən, Avropa İnsan Hüquqları Məhkəməsinə müraciət edən islamçılar da buna nail olmaq arzusundadırlar. Axı
AİHM-də onların işlərini udması məhz yerli məhkəmələrin qərarlarının ləğvi və yeni məhkəmənin keçirilməsi deməkdir.
Görüş əsnasında Monitorinq Qrupu Avropa Şurasının siyasi məhbus probleminin həllinə yönəlmiş fəaliyyətini dəstəklədiyini, xüsusi məruzəçi K.Ştrasserin ehtimal olunan siyasi məhbusların işlərini dərindən öyrənmək məqsədilə ölkəmizə səfər etməsinin vacibliyini vurğulamış, həbsdə olan Hilal Məmmədovun siyasi motivli işini nəzarətdə saxladığını bildirmişdir.
Buna rəğmən L.Yunus öz opponentlərini qaralamağa, cəmiyytdə nüfuzdan salmağa çalışaraq, bizləri hökumətə işləyən, ölkədə insan hüquqları ilə bağlı vəziyyəti saxtalaşdıran, hətta bizi işgəncə verən polislərdən və saxtakar prokurorlardan da təhlükəli adlandırır.
Görüşün rəsmi stenoqramı olmadığından L.Yunus cox sevdiyi Gebbels sayağı müxtəlif böhtan və iftiralara əl ata bilər. Biz isə öz növbəmizdə özünüreklam etmək hərisliyində olan keçmiş hərbi senzorla söz güləşdirməyə vaxt sərf etmək fikrindən uzağıq və baş verənləri onun vicdanına buraxırıq.
P.S. Bəyanata görüşdə iştirak edən Azərbaycan İnsan Hüquqları Mərkəzinin direktoru Eldar Zeynalov və “Konstitusiya” Araşdırmalar Fondunun prezidenti Əliməmməd Nuriyev də qoşulurlar.
5 noyabr 2012 il
Hüquqmüdafiə Təşkilatları Monitorinq
Qrupunun mətbuat xidməti
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz